أنغام توجه رسالة لشيرين عبدالوهاب: بنت الأصول ومتربية على الأصول

وجهت الفنانة الكبيرة أنغام رسالة للفنانة شيرين عبدالوهاب، على خلفية رد الأخيرة على التسريبات المتداولة على لسان والد زوجها الفنان حسام حبيب، قائلة: "بنت الأصول، ومتربية على الأصول".
ونشرت أنغام صورة لشيرين عبر حسابها الرسمى بتويتر، وعلقت عليها :"بنت الأصول ومتربية على الأصول".
وحرصت النجمة شيرين عبدالوهاب، الرد في تسجيل صوتى على التسريبات التى نشرتها إحدى الصحف اللبنانية لوالد زوجها الفنان حسام حبيب، وهو يتحدث عن حياة نجله الشخصية.
وقالت فى الجزء الثانى من التسجيل: "الفيزا بتاعتى مش معاه وكل الكلام مش مظبوط لأنى كلى كده بتاعته زوجى راجل من عيلة وعيلة محترمة أوى.. ومقبلش أن حد يكلم عليه كده.. ولا هو ولا والدته وحسام راجل مفيش زيه بقالنا 4 سنوات متجوزين.. ولو كان عاوز يستفيد منى كان عامل أغنية سينجل وكل الناس بتختلف وبتتخانق عادى وحسام بيحبنى وحاسة معاه بالأمان.. كفاية أنه طلع من حياتى كل الناس اللى بتستغلنى وطلع كل الثعابين والحاجات الفاسدة".
وكانت قد قالت في الجزء الأول من التسجيل: "عاوزه أطمن كل الناس على صحتى أنا كويسة وحسام زوجى إنسان من أنضف رجالة الدنيا ومتربى وبيحبنى أكتر من نفسى وميستهلش منكم كم القساوة دى عشان أنتوا متعرفهوش، هو بنالى شخصيتى ورجعلى ثقتى بنفسى وحسام بيحبنى أنا وبناتى ومن ساعات متجوزنى معملش أي حاجة الست حماتى اللى ربت راجل ست عظيمة وأدعو ليا أنا وحسام بالذرية الصالحة وحسام نقى ونظيف".