كنباوي وكنباوية.. حلقة رقم (97).. صور السيسي تزين بيوت المصريين !

كنباوية تقوم بعمل صينية كنافة لكنباوي حيث تعرف أنها مفضلة إليه كما تقوم بعمل القطايف لابنتها شلتة وابنها كنبة إنها تحاول دائما أن ترضي حميع أفراد الأسره بأن تصنع لهم مايحبون جميعا..
يدخل عليها كنباوي مبتسما: إيه الرضا ده كنافة وقطايف ؟
كنباوية: أنا طول عمري راضية عنكم
كنباوي: ربنا مايحرمنا منك واحنا كمان على طول راضيين عنك ومقدرين تعبك معانا
كنباوية: ده واجبي وبعدين أنا ماليش غيركم أنتم أسرتي ودنيتي الحلوة وكل اللي ليا في الدنيا
كنباوي: ربنا مايحرمنا من بعض
كنباوية: آمين يارب
كنباوي: طب إيه آخر الأخبار عندك ؟
كنباوية: سامعة كده طراطيش كلام إن الإخوان بتحاول تتفاوض مع السيسي على حل لفض الاعتصام بيقولوا إنهم طالبين الخروج الآمن وعدم الملاحقة القانونية وعدم مصادرة أموالهم والإفراج عن أعضاء الجماعة وفك سراح مرسي وأنهم ياخدوا الحكومة والمحافظات
كنباوي: والسيسي ماقال لهمش كلمة عيب ؟
كنباوية: ضحكتني ياكنباوي، السيسي رفض إنهم يملوا عليه شروطهم واللي تدخلوا في أن الرسايل دي توصل للسيسي رجعوا قفاهم يقمر عيش
كنباوي: عنده حق يرفض كمان عايزين الوزارة هو المنيل ده اللي اسمه قنديل كان عمل حاجة طوال مدة وزارته غير الخراب اللي حل على البلد ده جنان رسمي وبعدين كمان عاوزين المحافظات ؟ يعني المحليات علشان يقدروا يتحكموا في الانتخابات ويزوروها زي عوايدهم ؟
كنباوية: لأ وعايزين كمان في مقابل موافقة السيسي على طلباتهم إنهم يدخلوا الانتخابات الرئاسية القادمة وكمان الانتخابات البرلمانية في مقابل أن مرسي يرجع بيته ومالهوش دخل برئاسة الجمهورية
كنباوي: دول باين عليهم مخهم ضرب وفوت
كنباوية: ياكنباوي دول مخهم ضارب من زمان من أيام حسن البنا وحادثة المنشية ومحاولة اغتيال عبد الناصر
كنباوي: عندك حق دول تاريخهم أصلا مش مشرف يتوكسوا
كنباوية: دول ضاحكين على أنصار مرسي المرابضين في رابعة أن أمريكا مسانداهم وأن السفينتين اللي واقفين في البحر على السواحل المصرية وفيهم المارينز جايين علشان يحموهم إذا لزم الأمر
ومفهمينهم أن عساكر الجيش والشرطة لبست لبس مدني ونزلت يوم 30 يونيو التحرير علشان يبان أن اللي رافضين مرسي كتير وخدعوا الناس وماكانوش ثوار ولا حاجة والباقي كانوا بلطجية مأجورين
كنباوي: هم اللي يعرفوا البلطجية المأجورين مش احنا إحنا أنظف منهم وأشرف من كده هم اللي خونة هم اللي تخابروا على مصر مع جهات أجنبية هم اللي فتحوا السجون علشان يهربوا أعوانهم هم اللي قتلوا البطران هم السبب في موقعة الجمل هم اللي سرقوا مستندات أمن الدولة علشان الناس ماتعرفش حقيقتهم هم اللي بهدلوا البلد وزودوا ديونها هم اللي عملوا كل سوء حصل في مصر أقول إيه ولا إيه دول بلاوي
كنباوية: ياه ياكنباوي ده إنت مبقوق منهم ومعبي وشايل في قلبك غل ليهم
كنباوي: غل بس أنا نفسي أولع فيهم زي هتلر ما ولع في اليهود
كنباوية: دا اليهود أرحم منهم اليهود مابيبيعوش إسرائيل ولا بيبهدلوا اقتصادها
كنباوي: دول لازم يتحاكموا لازم ياكنباوية
كنباوية: حيحصل بس بعد هدوء العاصفة علشان مايعملوش عمليات تخريب دلوقتي السيسي عارف وفاهم أن ده ممكن يحصل لو محاكمة مرسي وأعضاء الجماعة حصلت دلوقتي علشان كده هو مأجلها لوقتها
كنباوي: السيسي ده عاقل وراسي وفاهم كل حاجة ده الناس دلوقتي بتعلق له صور في بيوتها زي ما كانت بتعمل في صور جمال عبد الناصر زمان
كنباوية: هو يستاهل ويستاهل اكتر من كده كمان يستاهل الناس تحط صورته في عيونها وقلوبها ده اللي أنقذ مصر من الأشرار دول
كنباوي: صح ده لولاه ماكانتش ثورة 30 يونيو نجحت دي نجحت بفضل الله ثم السيسي
كنباوية: ربنا يحميه ويصونه دا انا سمعت إنهم عايزين يقتلوه
كنباوي: بعد الشر عنه ده رئيسنا الفعلي ياكنباوية ده اللي حامينا من كل الكلاب بره وجوه
كنباوية: أكيد هو عارف مخططهم وواخد باله من نفسه كويس والحارس ربنا
كنباوي: ونعم بالله يا كنباوية ونعم بالله
كنباوية: ممكن اكمل الكنافة ؟
كنباوي: كملي وانا حدخل أنام شوية لحد آدان المغرب
كنباوية: نوم الصحة والعافية على بدنك !