آمال رياض تكتب: يرضي مين شباب تموت

يرضى مين شباب تموت.... وضحكتها على الشفايف
كل اللى جنوه إنهم عاشوا.... بصفاء قلب مش خايف
حبوا بعض من كل ملة ودين... والكل شاهد وشايف
لكن أيادي الشر والغل.... كانت واقفة مستنية
شافت كتير على الخلق.... تعيش حياتها متهنية
شالوا من الوحل بكفوفهم.. ودهنوا قلوبهم بطين الهمجية
مش لاقية ليهم اسم.. ولا عارفة لهم عنوان
لا تقدر تقول إنسان... ولا حتى تقول حيوان
ابنى الحبيب يا أعز من نور العين
رصاص الغل يابنى ملوش ملة ولا دين
وصحيح جسدك اندبح وهو ملوش عمرين
لكن روحك حمامة هايمة بلا جناحين
تعزى روحى وتمسح دمع الخدين
قلبى عليك انكوى ما لقيت يا ولدى دوا
يطفى نار الحنين
مش مهم اسمك يكون أحمد.. ولا يكون حنا
المهم انك ابن الوطن.. اللى ترابة بدمك اتحنى
يابن قلبى عهد وأحلف يمين
لاكتب بدمك غناوى الحب طول السنين
واستنى يطلع صباح الأمل في عيون المظلومين
وان طال عليا الندا حتكون يا ولدى فدا... فدا لكل المجروحين