بالفيديو.. الحاجة سبيلة ل«السيسي»: كل ما أحوش حاجة هجبها لمصر

عرضت الفضائية المصرية الأولى مقطع فيدو للحظة استقبال الرئيس عبد الفتاح السيسي، للحاجة سبيلة علي أحمد عجيزة» المتبرعة ب200 ألف جنيه لصندوق تحيا مصر.
ودار حديث ودي بين الرئيس والحاجة سبيلة، قالت فيه: «كل ما أحوش حاجة هجيبها لمصر وكان نفسى أشوفك يا سعادة الرئيس.. وكنت عايزة أكسر التليفزيون علشان أشوفك.. أنا من مركز أجا».
وقالت الحاجة: «أنت عملت كل حاجة حلوة في مصر أنت وجيشك وشرطتك وتسلم الأيادى.. وربنا يبارك لينا فيك وينصرك ويسترك يارب.. إحنا كان زمانا ضيعنا يا غالى، ومش عايزة حاجة..أنت ابنى وينصرك على كل الدول، وأنا جايبة الفلوس دي لمصر وصندوق تحيا مصر».
ومن جانبه، قال الرئيس: «بدعواتك ودعوات الطيبين إحنا عايشين، وبأشكرك على الفلوس وده كتير وكتر خيرك».
والتقى الرئيس عبد الفتاح السيسي، اليوم الأربعاء، بمقر رئاسة الجمهورية في مصر الجديدة، الحاجة «سبيلة على أحمد عجيزة»، إحدى الحاضرات في الاحتفال بيوم المرأة المصرية عن محافظة الدقهلية، والتي طلبت التبرع بكل ثروتها المقدرة ب200 ألف جنيه وكمية من المشغولات الذهبية لصالح صندوق تحيا مصر.