شلاليت

البورصة طالعة ونازلة كل يوم في نظام
قالوا الرصيد ارتفع والناس عليه في زحام
وفجأه قالوا انخفض في كافة الأرقام
ولو سألت السبب تسمع كلام في كلام
0000000000
مرة يقولوا الجنيه سبب ارتفاع السوق
ومرة تانية الدولار من البنوك مسروق
ومرة ثالتة الحكومة دمها محروق
لأن سعر الجنيه نازل رخيص من فوق
000000000
ولو سألت الوزير يقول بلاش تشويش
الاقتصاد متزن والاستدانة مافيش
والسوق رخيص بس محتاج كل يوم تفتيش
من الحكومة ومن تموين وشرطة وجيش
0000000000
مش محتاجين كل حبة تقولوا كان أو كان
خلاص بقي بطلوا تطبيل ورقص زمان
إحنا مسكنا البلد وإيدينا فيها ميزان
وكل شيء عندنا معلوم لنا بإتقان
00000000
أيه رأيكم في الكلام ياحكومة مين مسئول
عايش وشايف الحياة بالعرض أو بالطول
وكأن كل اللي شايفه شيء مالوش مدلول
فيه حد عايز يقول تاني كلام معسول