شلاليت

نفسى أكون يوم وزير تموين وأقول بحماس
أسعار جميع السلع متخفضة للناس
والكل يعرف قرارى له حساب وأساس
وكل واحد يفكر ابتزاز ينداس
0000000000
أيه رأيكم لونقدم للحكومة قانون
ونقول لها بالقانون بيع السلع مضمون
لأن فيه ناس بتسرق لو تلاقى زبون
محتاج لكل السلع بشراهة كالمجنون
000000000
مع إن فيه ناس كتير تجار بكل أصول
فيه عندهم التزام وفكرهم معقول
لكن هناك ناس بتزعجنا بكلام مخبول
مفكرين الحكاية خطب كلام معسول
000000000
كل الكلام اللى قلته فيه آراء وخطير
لكن حيصبح حقيقة لما أبقى وزير
وتعرفوا كل حاجة تمام بدون تبرير
لأن فيه انضباط وتنقية وتقدير
0000000000
أنا أصلى طول عمرى أحلم أن أكون مسئول
وأقول القانون نفذوه بالعرض أو بالطول
مافيش مجال للتسيب أو كسل وخمول
وكل واحد ياخد حقه بكل شمول
0000000000
أنا قلت كل اللى عندى لاشك ولا تلوين
ونفسى أصبح وزير في خدمة الملايين
يارئيس وزراءنا رشحنى وزير تموين
لأنى باحلم أكون مسئول بقى لى سنين