شلاليت

فيه ناس كتير قاعدة تشرب شاي وتحكي تقول
إن الحكومة ماهش فاضية لطبق الفول
والغلبانين اللي قاعدين يسمعوا المسئول
ويقولوا إن الغلاء أصبح لنا كالغول
0000000000
كلام كتير بس من غير فعل ليل ونهار
وكل واحد مفكر السياسة هزار
وكلام خطب في المسارح يعلن الأعذار
ويقول إن الحكومة مهملة بإصرار
00000000
وبدون تحاور جميع الناس هنا عارفين
إن السياسة احتراف مش لعب أو تخمين
أو التلاعب مع الأحداث باسم الدين
وأظن فيه ناس لها خبرة بكل يقين
000000000
كلام صحيح الحكومة دولة مسئولة
والمسئولية ساعات في هزيمة وبطولة
لكن جميع الجهات ليست بمعزولة
عن مسئولية لها بالدرجة الأولى
0000000000
مفروض بقى كل واحد يعرف المطلوب
لا يقول أنا كنت غالب يوم ولا مغلوب
لكن يقول كلنا في شدة ونار وحروب
ولابد نصبح في وحدة والعميل مشطوب