آخر كلمات إرهابي حلوان للشخص الذي انقض عليه (فيديو)

كشف صلاح الموجي، الرجل الذي انقض على الإرهابي الذي أطلق النار على الأمن في كنيسة مارمينا بحلوان، تفاصيل الواقعة.
وقال الموجي، خلال لقائه قناة "أون لايف"، اليوم السبت: "ماحضرتش اللي حصل عند الكنيسة، صحيت من النوم على ضرب نار، واتفاجئت بواحد بيتمشى في الشارع بيضرب نار عشوائي على كل واحد ماشي".
وتابع: "الشرطة ضربت المجرم بطلقة في رجله، وما صدقت الفرصة جاتلي واترميت عليه وخلعت خزنة البندقية، لقيته بيقولي (إنت مش فاهم حاجة)، ضربته على دماغه عشان لو معاه حاجة هتتفجر نلحق نتعامل معاها، كل تفكيري إني ألحقه قبل ما يموت أبرياء مالهمش ذنب من إخواتنا المسيحيين أو الشرطة".
وذكر: "الحمد لله ربنا وفقني، وكان معه فعلا قنبلة تصنيع يدوي والقوات اتعاملت معاه، وسلمت الخزنة لأمين شرطة اللي كان واقف، وماخفتش من الموت، لأن الأعمار بإيد ربنا، ولقيت ابني واقف ورايا وماعنديش غيره، بس الحمد لله عدت على خير".