موسى منتقدا الحكومة: «الأسعار نار ورغيف العيش ب 75 قرش»

قال الإعلامي أحمد موسى، اليوم الثلاثاء، إن «أسعار السلع الغذائية نار، ده العيش الحاف غّلي، هو إيه اللي بيحصل في البلد؟ رغيف العيش بقى ب60 قرش وب75 في بعض المناطق، وده مجرد رغيف من غير أي حاجة تانية، إيه الجبروت ده؟ شوفوا بقى الفرد محتاج ياكل كام رغيف، شوفوا بقى الأسرة الواحدة تاكل عيش بقد إيه؟ ومفيش حاجة بترخص في البلد لأن مفيش رقابة».
أضاف موسى، خلال تقديمه برنامج «على مسئوليتي»، عبر فضائية «صدى البلد»، «الناس تعمل إيه في ظلّ الأوضاع دي؟ المواطن هيعمل إيه بجد؟»، منتقدًا قرار حكومة المهندس شريف إسماعيل، بتخفيض الجمارك على الفراخ المجمدة، لافتًا إلى أنه سيؤثر على مزارع الدواجن المحلية، مشيرًا إلى أنه كان الأولى بالحكومة أن تُدعم أسعار العلف التي تسببت في ارتفاع أسعار الدواجن المحلية، واصفًا إياه ب«العجيب».