حديث المدينة

مفيد فوز ى : لا سبيل لتخفيض سعراللحمة الا المقاطعة لا حكومة تخفض السعر ولا تاجر اعمال كبير بيتاجر فى اللحمة هيخفض السعر ولا بعض اللحوم المستوردة والمشبوهة ممكن تخفض السعر احيانا بيتقال لى هى حكومة ازمات مرة فى العيش ومرة فى البوتاجاز ومرة فى اللحمة ومن يدرى فربما كان بعض المتربحين سببا رئيسيا فى هذا الامر فليس بالحمة يحيى الانسان طبعا الفئات القادرة قادرة انها تشترى لحمة وقادرة حتى انها تكسرالمقاطعة وتخش اللحمة بيوتها لكن الغلابة اساسا مقاطعين اللحمة هناك بالتاكيد بدائل للحمة وان كنت استشعران اسعارها هترتفع رويدا رويدا هل بندى الموضوع ده اكبر من حجمة صراحة وعلى بلاطة هل نفكر فى جهازنا الهضمى التحقيق فى حديث المدينة ؟
فاصل
مفيد فوزى : مقاطعة اللحوم هل هى مجدية؟
مواطن : فعلا
مفيد فوزى :ازاى حضرتك مثلا تقدرتقاطع اللحمة ؟
مواطن :ليه لأ اه طبعا ممكن 00 ممكن شهرايه المشكلة ما السادات عملها قبل كده 00 الرئيس السادات عملها قبل كده قاطعنا اللحمة شهركويس وكل اللحوم سعرها انخفض انهاردة اللحمة وصلت 60 جنية و50 جنية انا باخد كام علشان اجيب كيلو اللحمة ب 60 جنية وب 50 جنية انهاردة الراجل بياخد 100جنية معاش هيجيب له كيلو لحمة ازاى مش هيذوقها استغنى عن اللحمة فى فراخ وفى سمك ما اسعار الفراخ ارتفعت رغم ان هى رخيصة
مفيد فوزى :انت جربت تقاطع اللحوم ؟
مواطن :التجمع اه تقاطع اللحمة
مفيد فوزى :التجمع ؟
مواطن:اه
مفيد فوزى :لو مفيش تجمع ؟
مواطن :لو مفيش تجمع محدش هيقدر يعمل حاجة خالص يعنى مفيش حد هيقدر يعمل حاجة لان الجزارين دول دلوقتى بتنتهز الفرصة واى بياعين دلوقتى بتنتهز الفرصة على طول اول ما بنرفع الاسعار مفيش حد بيتكلم مفيش رقابة مفيش اى حاجة يعنى مفيش مسئوليه يعنى ساعات حضرتك انت بتوصل انبوبة الغاز الى 10 جنية الحقيقى السعر بتعها مش كده ده دى اقل حاجة يعنى 10 جنية ليه لان بيطلع تجار كبار تمام بيحملوا عيال صغيرين العيل الصغير لما بيطلع ويديك الانبوبة ب12 جنية هتعمل مع الطفل ايه
مفيد فوزى :تسمع عن حاجة اسمها اللحمة ؟
مواطن :اه
مفيد فوزى :بتأكلها ؟
مواطن:لأ
مفيد فوزى :ليه ؟
مواطن: عشان غالية
مفيد فوزى :انت بتكسب؟
مواطن: انا انا بتاع عرق سوس
مفيد فوزى :الناس بتشرب عرق سوس ؟
مواطن:اه
مفيد فوزى :هو في ايه العرق سوس ده ؟
مواطن :مفيد مفيد للصحة مفيد للكلى مفيد للبول مفيد لكل حاجة
مفيد فوزى :الناس بتشربة ؟
مواطن :بتشربة على الريق
مفيد فوزى :على الريق؟
مواطن: اه
مفيد فوزى :لو مش على الريق ما ينفعش ؟
مواطن :لأ ينفع فى اى وقت ينفع
مفيد فوزى :كام سنة بتشتغل ؟
مواطن:لي بتاع 20 سنة
مفيد فوزى :20 سنة ؟
مواطن : اه
مفيد فوزى :شايل دى
مواطن :وانا شايل دى
مفيد فوزى :اللحمة ما بتكلهاش ولا ما بتسمعش عنها ؟
مواطن:لأ ساعات اجيبها وساعات ما اجيبهاش
مفيد فوزى :بتاكل ايه غير اللحمة ؟
مواطن :فراخ سمك
مفيد فوزى :بتلقى فراخ ؟
مواطن :هه بنلقى فراخ اه
مفيد فوزى :بكام؟
مواطن :الكيلو ب 14 جنية
مفيد فوزى:وانت بتكسب كام فى اليوم؟
مواطن :انا انا تبع الظروف تبع نصيبى كل يوم برزقة
مفيد فوزى :تقدرى تستغنى عن اللحمة ؟
مواطنة :ما اقدرش استغنى عن اللحمة بس مادام غالية كده هناكلها ازاى ما غالية
مفيد فوزى :فى ناس بتقول ايه قطعوها علشان ترخص انت رايك ايه ؟
مواطنة :نقاطعها اه نقاطعها
مفيد فوزى :انت بتقولى الكلام ده على التليفزيون
مواطنة :لأ لأ والله
مفيد فوزى :ومن ورا
مواطنة :لالا لا والله والله ما اجيبها 00 انا واحدة ارملة باخد معاش باخد 50 جنية اجيب كيلو اللحمة بكام ب 80 جنية باخد معاش 50 جنية
مفيد فوزى :ايه البديل عن اللحمة ؟
مواطنة :الفول والبصارة والحاجات دى كلها بنجبها وبناكلها انا واحدة باخد معاش 50 جنية اجيب كيلو لحمة بكام ما اكدبش عليك اقولك بصراحة
مفيد فوزى :من الجمعية بتجيبيها بكام ؟
مواطنة: زمان كانت بنجبها من الجمعية ب 36 قرش بنجبهامن الجمعية وكانت جميله وحلوة صح
مفيد فوزى:ودلوقتى ؟
مواطنة: لأ دلوقتى لأ منين هنجبها منين
مفيد فوزى :الغلابة هيعملوا ايه ؟
مواطن:الغلابة هيعملوا ايه الحرامية الكباروكلنها ما بيبصوش للغلابة تحت يبصوا للغلابة تحت
مفيد فوزى :تقدروا تقاطعوا اللحمة ؟
مواطنة:لأ
مفيد فوزى :ليه ؟
مواطنة:لانى بطبخ عليها غذا للعيال يعنى وكده
مفيد فوزى :حتى وهى غالية ؟
مواطنة:ما انا حاليا دلوقتى ما بجبش دلوقتى باجيب فراخ وبجيب سمك حاليا من ساعة ما غليت
مفيد فوزى :هل الفراخ غليت ؟
مواطنة : اه غليت
مفيد فوزى :والسمك ؟
مواطنة :السمك ب 14
مفيد فوزى :غلى؟
مواطنة: اه غلى يعتبر
مواطنة :جدا
مفيد فوزى :جدا كده بصراحة .
تاجر : جدا لانه بقاله اكثر من شهر اسعارة مرتفعة جدا جدا جدا
مفيد فوزى :انت بتغليه ؟
تاجر :انا عادى شغال التجار الكبار هما اللى بيغلوه
مفيد فوزى :التجار مين ؟
تاجر :ابو سعر الجملة اللى باجيب منه هو اللى بيغلى يعنى اصبح انهارده انا كنت بجيبة ب 10 جنية بابيعة ب 11 جنية ب 12 جنية باكسب جنية ونص او 2 جنية بالكثير قوى
مفيد فوزى :مقاطة اللحوم ممكن تغلى الاسماك وتغلى الفراخ ؟
تاجر :انهاردة جمله 15 جنية يعنى زيادة 5 جنية فى الكيلو زياردة يعنى ابتديت اغلى الاسعار علشان ومعنديش غير واحد قاعد عليه من 7 صباحا
مفيد فوزى :من 7 صباحا؟
تاجر :صباحا على دول
مفيد فوزى :محدش جالك ؟
تاجر :من الاسعار والغلو اه
مفيد فوزى :الساعة بقت واحدة ؟
تاجر :ولحد الساعة 4 - 5 بالليل
مفيد فوزى :حضرتك لجأت ليه انك تشترى سمك ؟
تاجر:علشان غلو اللحمة 00 علشان غلو اللحمة اللحمة غليت فا قلنا نشترى سمك او فراخ غير كده مفيش
مفيد فوزى :ده يشيل ده لانه كمان السمك نفسة غالى .
تاجر :لأ
مفيد فوزى :ارخص من اللحمة ؟
تاجر :بكثير
مفيد فوزى :اولا انت شايف ان الناس تقدر تقاطع اللحمة بسالك انت ؟
مواطن :لما نكون كلنا بنقاطعها من قلبنا من جوانا مفروض لان انهاردة احنا بنبص نلاقى اللحمة وصلت فوق ال 60 جنية حرام حرام حرام يعنى وبعدين فى اعلانات فى التليفزيون برضه بتقول ان فى ناس تجار بتبيع ب 80 جنية ليه ليه اللى سمعتة بالضبط انا اقوله احنا عندنا فى المنطقة السمك افضل وبعدين فى هنا عندنا نا س حنينين مش طماعين يعنى السمك ده انا جاى اخدة فعلا ب 11 جنية
مفيد فوزى:هل السمك افضل جايز بس برضه فى حدود المعقول اكثر من اللحمة افضل بكثير هل تعتقد النا س فى مصر وهى عندها عقدة اللحمة ممكن فعلا تقاطع اللحمة ؟
مواطن: ممكن نقاطع اللحمة لفترة
مفيد فوزى :تادب الجزار؟
مواطن: لأ احنا علشان الدولة توفر لينا واحنا نوفر للدوله بمعنى انا ما اكلش لحمة هتكتر
مفيد فوزى :هل هى عايزة وقفة ؟
مواطن:عايزة وقفة من الحكومة والناس الحكومة ليه ليه لما انور السادات قال ممنوع لحمة لمدة شهر اتفكت الازمة صح
مفيد فوزى :صح .
مواطن :طيب لما الجزارين بييقولوا العجل بيندبح على 120 كيلو ولو استنيت عليه شهر والا شهرين يذبح على 300 كيلو هيعمل فرق صح 00 هو ده بقى المفروض وقفة من الحكومة هل يا ترى العمل يتكامل من ناحية واحدة
مواطن : الحكومة الشعب الرقابة
مفيد فوزى :هل ندعو ان الناس مش تقاطع اللحوم تقلل الى حد كبير لكن الراجل قالى طب ولما نقاطع شوف بقى السمك هيبقى ايه شوف كده الفراخ هتبقى ايه ايه الحكايه يعنى يعنى العقدة المصرية التى تحكم الناس ان بوجود لحمة على الترابيزة فهذا يعنى الحياة السليمة والصحيحة والشعور بانك انت يعنى بتوكل عيالك؟
د/ فتحى :هو ربما تكون المقوله دى سليمة فى المدن بتكون موائد الطعام كبيرة فى القاهرة الاسكندرية
مفيد فوزى :نعم
د/ فتحى :انما فى الاقاليم الناس بتاكل اللحمة مرة فى الاسبوع مرة فى الشهر لما بيبقى فى سوق موجود فى القرى بيدبحوا لحمة انما غير كده محدش بيشترى ده الا فى المدن يعنى
مفيد فوزى :يعنى عايز اقول الناس عايشة برضه من غير لحمة
مواطن :بالتاكيد فى ناس بتقعد من غير لحمة ما بتشفهاش الا فى المواسم وده كلام سليم
مفيد فوزى :ليه الجزارين لما جبت لهم سيرة مقاطعة اللحوم عملوا انتفاضة ؟
د/ فتحى :هقول لسياتك ليه
مفيد فوزى :اه
د/ فتحى :لان هو بيدبح هو مش هيبطل يدبح اللى هيبطل يدبح مش هيشتغل مش هيكسب ومش هياكل عياله فلو الناس فعلا قطعت اللحوم البلدية لفترة انشا الله شهر انشا الله اسبوع السعر لازم ينزل انا هقول لحضرتك على حاجة تانى مهمة شوف سعر اللحمة ايه هنا فى مجزر البساتين ده وسعر اللحمة فى مجزر المنيب هتلاقى فى فرق على الاقل 2 جنية ليه لان هنا التجار هنابيعتبروا ان هما اعلى تكلفة من المنيب المنيب لا يقل عنه تكلفة انما التجار اللى بيشترى فى المنيب بيحاول ينافس اللى موجود فى البساتين وبالتالى السعر عنده اللى فى الحيوان الحى الكلام ده فى سعر الحيوان الحي كيلو اللحمة فى اللحمة الحى كان انهاردة ب 22 جنية والبقرى والجاموسى يكون ب 19 جنية هيكون فى المنيب اقل منه 2 جنية ليه لان هو بيجيب ناس من التجار بيجيب اسواق من المحلات من البلاد ويجيب منها الحيوانات اللى هى موجودة معروضة للبيع هناك هنا فى مبالغة فى القاهرة فى البساتين هنا فى مبالغة وبالتالى بينعكس هذا على سعر اللحمة اللى بيجى ينزل فى الدكاكين حضرتك عارف هنا ان فى عندهم نظام الحيوان الحى بيجيبة تاجر التاجر ده بيبع الدبيحة فقط بيقول عليها سعر اللحم السرد 00 السرد يعنى دبيحة عبارة عن الاربع الامامية والاربع الخلفيه والاحشاء الموجودة فيها بتشكل 40% من وزن العجل الحى طبعا لما انا باشترى عجل فى حدود 7000 - 8000 جنية 40% منه احشاء الكرش والموممبار والمصران والكلام ده كله والحاجات دى كلها ده برضه الحاجات دى الناس بتلجأ لها طبعا لان ده لحمة الفقير
مفيد فوزى:وغليت ؟
د/ فتحى :والمواسير اللى هى الكوارع وحتى المواسير العظم انا كنت بانصح الناس اللى هما ما عندهمش قدرة شرائية لشراء اللحم يشتروا ماسورة ويعمل عليها خضار ياخذ المرقة بتاعتها فيها نفس القيمة الغذائية يشترى الماسورة ويعمل عليها هتغلى لان الناس كلها هتنتبة احنا عندنا دلوقتى ازمة فى انتاج اللحوم فى مصر ان الحيوان بتعنا انتاجة اقل
مفيد فوزى:هل الاناث ذبحها اخطر ؟
د/ فتحى :اخطر طبعا لان هوطبقا للقانون المصرى ممنوع دبح الاناث الا لما يبقى عمرها 4 - 5 سنين
مفيد فوزى:مفروض؟
د/ فتحى:مفروض قانونا
مفيد فوزى:لكن اللى بيحصل ؟
د/فتحى :لآ فى اخطا فى مخالفة وبالتالى لما سياسية الدولة اتغيرت ولغوا وزارة التموين والتجارة الداخليه مبقاش عندنا قطاع تجارة داخليه لما لقوا فى ازمة اعادوا القطاع بس اعادوة فى قطاع وزارة التجارة والصناعة قطاع التجارة الداخليه بقى موجود فى وزارة التجارة والصناعة
مفيد فوزى :اه
د/ فتحى :سياسة الدولة هى التغير من سياسة السوق الموجهة الى السوق الحر دى ضريبة التغيير
مفيد فوزى :الان ؟
د/فتحى :الان وبندفع ثمنها دلوقتى ولسة فيها
مفيد فوزى :خلينى اسألك هل استيراد اللحوم من الخارج مصابة ؟
د/ فتحى :السياسة العامة القوانين العامة لفحص اللحوم فى العالم كله ممنوع السماح بتصديراى منتجات غذائية فليها لحوم
مفيد فوزى :حضرتك جزء من عملك هو الحفاظ على المستهلك ؟
د/فتحى :طبعا بالتاكيد
مفيد فوزى :كيف نضمن هذا وفى ساركوسست وفى الحمة القلاعية ؟
د/ فتحى :اولا فى ضغوط انا هقول لحضرتك على حاجة اول رساله لحوم هندية دخلت مصر كان عن طريق ادارة اسمها بتاعت البساتين فى وزارة الزراعة ولا ليها دور فى هذا الموضوع انما بالضغوط تم اسيراد اللحوم
مفيد فوزى :فهمنى ايه بالضغوط؟
د/فتحى :بضط على اللجان العلمية فى هيئة الخدمات البيطرية رغم ان احنا كنا بنقول ليه نجيب من الهند مادام
مفيد فوزى :وثبت انها منصابة ؟
د/فتحى: وثبت انها منصابة وثبت ان مستواها اقل من غيرها دى لحوم جاموسى اللى جاية من الهند لحوم جاموسى فقط مش بقرى
مفيد فوزى :نحمى نفسنا ازاى ؟
د/ فتحى :نحمى نفسنا ان احنا نفعل القوانين بتاعتنا ونحمى الشرفاء بتوعنا
مفيد فوزى :من المنوط بهذا فى مصر ؟
د/فتحى :الحكومة
مفيد فوزى :من فى الحكومة على وجه التحديد ؟
د/ فتحى :وزير الزراعة وزير الصحة وزير الصناعة دول الثلاثى المسئول عن كل ما يدخل المجزر وزير الصحة طبعا وزير الصحة مسئول عن المواطنين لما بنتكلم فى هذه الجزئية بالذات نقلوة وزارة الصحة 0000ونتكلم فى الجزئية دى بالذات 000 رجال الاعمال بقى ضغطوا الناس على جان التظلمات الموجودة فى وزارة الصحة او فى الهيئة العامة للرقابة على الصادرات والواردات اللى تخصص الطب البيطرى نقلوةوزارة الصحة بمعنى قالوا الاتى من اللى اشتكوا من الناس اللى بتفحص الاغذية
مفيد فوزى :ليه ؟
د/ فتحى :لان بيلاقوا فى بعض رسائل غير صالحة للاستهلاك الادمى
مفيد فوزى :ضد تفكيرهم؟
مواطن: ضد تفكيرهم وضد منطقهم فراحوا بقى عملوا الاتى تظلموا فى ثغرة فى قرار رئيس مجلس الوزرا بتسمح للجنة التظلمات انها تغير فى القرارات بتاعت رئيس مجلس الوزرا فا اصدرت قراران اللحوم والاسماك والدواجن الخام تبقى من صلحيات الهيئه العمة للخدمات البيطرية ووزارة الزراعة
د/فتحى :تظل طبعا فى وزارة الزراعة
مفيد فوزى :وما تزال للان؟
د/ فتحى :وما تزال ولكن تقوية دورها مش ان انا كل شوية باحجب عنها ادوار
مفيد فوزى : امال الثغرة اللى دخلت فى العملية ؟
د/ فتحى :انا هقول لسياتك الساركوسست
مفيد فوزى :اه اه
د/فتحى :الساركوسست فين موجود حتى فى الحيوانات بتاعتنا هنا بس لما بنلاقية بنعدم الاجزاء المصابة ولما تكون الاصابة شامله بنعدم الزبيحة كاملة نفس الشئ لازم يطبق فى الهند ويطبق فى اى دوله فى العالم
فاصل
مفيد فوزى :تقدر تقاطع اللحمة ؟
مواطن :نقدر نقاطع اللحمة
مفيد فوزى :ازاى ؟
مواطن :لأ ما اقدرش اقاطعها
مفيد فوزى :ازاى ؟
مواطن :يعنى الجزار انا مش جزار انا راجل فى المعاش
مفيد فوزى :اه
مواطن :وعندى عيال
مفيد فوزى :عندك كام عيل؟
مواطن :عندى 4 يناكل العيال بتقولى عايزين ناكل لحمة طب اجيب لحمة ب 50 – 60جنية الكيلو ازاى وانا فى المعاش
مفيد فوزى :سمعت طبعا عن المقاطعة مقاطعة المقاطعة بتاعت
مواطن :اه
مفيد فوزى :هل هى طبيعية انك تقاطع اللحمة ؟
مواطن: فى ناس هتقاطع وناس مش هتقاطع يعنى الناس اللى مش هتقاطع معاها فلوس
مفيد فوزى :اللى هيقاطع الغير قادرين ؟
مواطن:اللى قادر اللى معاه انا عايز لحمة رخيصة انا عايز لحمة ر خيصة اقدر ااكلها انا وعيالى
مفيد فوزى :فى لحمة رخيصة ؟
مواطن: بيقولوا فى لحمة هتنزل ب 28 جنية وفى لحمة التلجة دى محدش بيرضى ياكلها يعنى بيخافوا ياكلوها العيال مش هيكلوا لحمة متلجة مش هيكلوا لحمة من برة مش عارفين بقالها اد ايه فى السفن بقالها اد ايه العيال بتخاف
مفيد فوزى :دلوقتى فى حملة لمقاطعة الجزارين ؟
مواطن :طب دلوقتى تعبنا جدا جدا فى معامله الغلاء دى كل يوم والثانى المجزر يزود لحمة يجى التاجر اللى هو فى المذبح يقول لنا اللحمة زادت علينا ومش عارفين الزيادة دى اولها منين واخرها منين مش عارفين لها حاجة خالص
مفيد فوزى :طب اذا حصل ان الناس قطعت اللحمة ؟
مواطن :ايوه
مفيد فوزى :يحصل ايه ؟
مواطن :اذا حصل ان الناس قطعت اللحمة اللحمة ممكن تهدى وتبقى كويسة بس فى حاجة احسن من كده ممكن المفروض تحصل
مفيد فوزى :هى ايه؟
د/فتحى :اما مصنعات هذه المنتجات تبقى من صلاحية وزارة الصحة المنطق يقول انا المنتجات اولا الطبيب البشرى زميل وانسان فاضل وله دور الطبيب البيطرى زميل وانسان فاضل وله دور
من الذى يدرس هذه التخصصات من الذى يتعلم هذه التخصصات طبيب الطب البيطرى
مفيد فوزى :هل كان ضروريا ان تظل الخدمات البيطرية كما هى فى وزارة الزراعة ؟
مواطن :وما تزال ولكن باحجب عنها الذبيحة كاملا
مفيد فوزى :تقدر تقاطع اللحمة ؟
مواطن :لأ ما اقدرش اقاطعها
مفيد فوزى :ازاى بقى ؟
مواطن : يعنى الجزارلأ انا مش جزار انا راجل فى المعاش وعندى عيال
مفيد فوزى :كام عيل؟
مواطن :عندى 4 وبناكل عايزين ناكل العيال دول عايزين ناكل لحمة طب اجيب لحمة ب 50 - 60 جنية الكيلو ازاى وانا فى المعاش
مفيد فوزى :طيب يعنى ايه الرغبة الرغبة فى المقاطعة مقاطعة اللحمة ؟
مواطن : اه
مفيد فوزى :هل هى طبيعية ان ممكن الناس فعلا تقاطع اللحمة ؟
مواطن :ممكن تقاطع وناس مش هتقاطع يعنى الناس اللى تقاطع معاها فلوس تشترى
مفيد فوزى :يعنى اللى مش هيقاطع القادرين ؟
مواطن:القادر اه اللى معاه اه انا عايز لحمة رخيصة انا عايز لحمة رخيصة اقدر اكلها انا وعيالى
مفيد فوزى :فى لحمة رخيصة ؟
مواطن :بيقولوا فى لحمة هتنزف ب 28 جنية وفى لحمة متلجة اللى بتيجى متلجة دى محدش بيرضى ياكلها بيخافوا يكلوها العيال مش هنا كل حمة جايه من برة بقالها اد ايه فى الشغل يعنى العيال بتخاف
مفيد فوزى :دلوقتى فى حمله لمقاطعة الجزارين ؟
جزار: دلوقتى تعبنا جدا جدا فى معامله الغلاء دى
مفيد فوزى :ازاى ؟
جزار :كل يوم والثانى يجى المجزر يزود لحمه يجى التاجر اللى هو فى المدبح يقول لنا اللحمة زادت علينا ومش عارفين الزيادة دى اولها منين واخرها منين مش عارفين لها حل خالص
مفيد فوزى :اذا حصل ان الناس قطعت اللحمة ؟
جزار:ايوه
مفيد فوزى :يحصل ايه ؟
جزار :اذا ان الناس قطعت اللحمة اللحمة ممكن تهدى وتبقى كويسة بس فى حاجة احسن من كده ممكن المفروض تحصل المفروض ان يقلوا من ايام الدبح يخلوا الدبح 4ايام زى الاول هيتوفر كمية من الذبيح دى نمرة 1 نمرة 2 عمليه البتلو ما يذبحهوش يخفوا من عمليه ذبح البتلو لما يقعد العجل بيوصل الى 400 و450 كيلو لما يبقى عجل جاموسى
مفيد فوزى :هو فى رجال اعمال ورا العملية دى
جزار :طبعا طبعا
مفيد فوزى :بيستفيدوا من العملية دى ؟
جزار :هما اللى بيغلوا السعر وهما اللى بيتحكموا فى السعر
مفيد فوزى :يعنى ده عايز موقف من الحكومة؟
جزار:موقف الحكومة او المفروض يوقفوا اللحمة المفروض يوقفوها شهر لغايه لما يشوفوا لها حل
مفيد فوزى :الله يعنى انت انت تقدر تعمل ايه؟
جزار:انا عندى استعداد اجوع عشان خاطر الشعب
مفيد فوزى :لا طول بالك انا مش عايز كلام شعارات .
جزار :والله ما شعارات
مفيد فوزى :والله العظيم انا ما انا عاوز.......
جزار: انا بيصعب علي الزبون
مفيد فوزى:مش عايزالكلام اللى ايه اللى ممكن يطلع فى افلام خالد يوسف .
جزار :لأ
مفيد فوزى :هيقولك ايه هيقولك ايه اجوع بس الشعب ياكل.
جزار:والله العظيم انا بيصعب عليا الزبون وانا با بيع له بسعر غالى والله والله بيصعب عليا الزبون وكل جمعة نغلى على الزبون نغلى على الزبون
مفيد فوزى :طب لو العملية دى نجحت فى ان الناس تقاطع اللحمة هل ده يعتبر تاديب للجزار ؟
جزار:تاديب للاقطاعيين الراسمالية فى شغله الجزارة اللى هما عندهم المراعى اللى عنده 500 عجل وللى عنده 600 عجل واللى عنده 700 عجل انما الفلاح بينزل السوق مع عجلين ثلاثة وبينزل السوق انا انا الصراحة بمنتهى الامانة انا كاجزار عندى عميل فى المجزر والعميل اللى هو فى المجزر دوت عنده عميل بيجيب له من السوق بيجى العميل اللى بينزل السوق ده السوق طاقتة 500 عجل بينزل يلاقى السوق فيه 30 - 40 عجل مش معقول بتاع المدبح هيضيع العميل بتاعة اللى هو الجزار ومش معقول العميل اللى بيجيب لبتاع المدبح ما يجيبلوش بيحصل ان السوق بيبقى مفهوش عجول اللى بنضطر ان التجار بتغلى على بعضيها الراسماليه بقى اللى عندهم كثير ان السعر زاد يزودوا السعر يروحوا منزلين العجول دى العمليه اللى حصلت
مفيد فوزى :يعنى افهم من كده ان فى كلام الجزارين غلابة ؟
تاجر :جدا جدا جدا والله العظيم الجزار مظلوم والتاجر مظلوم وجزار المذبح مظلوم وعلى راسهم الزبون مظلوم
مفيد فوزى :انا لما شفتك تعالى لى شوية كده لما شفتك افتكرت جدعنه فيفى عبده والله يعنى ايه حسيت ان فى فى السوق ده معلمة بنفس الجدعنه والشهامة بتاعت فيقى عبده عارفة فيفى عبده مين ؟
تاجر :اه عارفة فيفى عبده
مفيد فوزى :عارفة فيفى عبده؟
تاجر :اه
مفيد فوزى :انتى بتبيعى ايه؟
تاجر :ببيع ممبار وكرشة وكوارع
مفيد فوزى :رخيصة ؟
تاجر :لأ غالية
مفيد فوزى :يعنى ايه بقى غالية؟
تاجر :الجو غالى غالى فوق
مفيد فوزى :انا فاكر لما غليت اللحمة الناس لجأت للحاجات دى ؟
تاجر:لا ما كل ما اللحمة بتغلى الحاجات دى بتغلى زيها
مفيد فوزى:امال الناس تاكل ايه تاكل بعضها ؟
تاجر:احنا مش عارفين نشتغل ولا الزبون عارف ياكل من الغلا لما اجيب شوية بضاعة وابيع فيهم اسبوع من الغلا بتاعة ما اقدرش ان انا اطلع تانى واجيب
مفيد فوزى :ايه الثعابين دى ؟
تاجر :ده ده ممبار
مفيد فوزى :ممبار هو ده الممبار ؟
تاجر :اه
مفيد فوزى :ورينى كده.
تاجر :مصارين العجل ودى الكوارع
مفيد فوزى :كانت بكام بقت بكام ؟
تاجر:الاول كنا بنبيع ب 6 دلوقتى بقت ب 8 جنية لان الكرش من ايديهم ب 80 جنية ب 80 جنية من ايديهم احنا هنبيع بكام احنا مش عارفين نشتغل ولا الزبون عارف ياكل احنا مش عارفين نمشى ولا الزبون عارف ياكل الزبون بيبص بس ما معهوش غصب يا رب مغصوبين بنجيب شوية بضاعة بنقعد عليهم اسبوع بنبيع فيهم من الغلاء ما اقدرش ان انا اطلع اجيب تانى غيرلما ابيع اللى عندى هواناماسكة فيهم ليه علشان غالية
مفيد فوزى :يالا ربنا يسهلها عليكى عشان تلبسى جنب الحلقان دى خلخال .
جزارة :يارب يخليك ربنا ما يحرمنا منك
فاصل
مفيد فوزى :مقاطعة اللحمة دى تعتقد ايه انت شايف الناس ؟
مواطن :بالنسبة للطريقة الاستغلاليه بتاعت الجزارين
مفيد فوزى :ازاى ؟
مواطن :انا اولا ان طمع الجزار ممكن يقف عند حده وهو بيبيع بيقولك الناس بتذبح البتلو هى دى اللى بتقل من كثرة الانجاب
مفيد فوزى :يعنى اللى هو بيقولك ذبح الاناث ؟
مواطن :اللى هو ذبح الاناث الصغيرة اللى هو البتلو
مفيد فوزى :طب الجزارين ممكن ان هما يتعظوا من عملية المقاطعة فى محلات اللحوم تفضل اللحمة ؟
مواطن :لازم نتعظ لان باب رزقة ده
مفيد فوزى :اه
مواطن :ماهو لما انت ما تاخدش وده وده ما يخدش وده ما يخدش هيضطر يمشى بالعداله بتاعت ربنا
مفيد فوزى :ومن غير كده .
مواطن :ومن غير كده مش ترتجع هتفضل ترتفع والتاجر يستغل ده يستغل وده يرمى على ده وده يرمى على ده وده يقولك لا ده من المنبع وده يقولك ده من التاجر والغلبان الشعب ليه لما يكون واحد دخله ضعيف بيضطر يعنى بيشغل نفسة ببعض حاجات علشان العيال ما ذنبهاش حاجة تحرمها فلازم باى طريقة ان كان هتجيب له عشان ما يحصلش له انيميا ما يحصلش له حاجات زى دى
مفيد فوزى :دكتورة مها راداميس اخصائية الباطنة امراض الباطنة والسمنة انا القى اليكى بكرة الحوارالناس الجزارين اللى قابلتهم الاسبوع اللى فات فى برنامج حديث المدينة وكنت باناقش فكرة مقاطعة اللحوم عملوا ما يشبة انتفاضة الجزارين عارفة زمان انتفاضة الحرامية انا ما بقارنش انما انتفاضة الجزارين دى رفضوا رفضا قاطعا ان انا ادعو ولو مجرد تفكير الى هذا المنهج خلينى اسألك هل للحوم مشاكل فى المعدة المصرية ؟
د/ مها راداميس : طبعا احنا لو اتكلمنا من الاول اصل الانسان نباتى يعنى لو بصينا
مفيد فوزى :اصل الانسان نباتى
د/ مها راداميس : يعنى لو بصينا على شبيه الانسان مثلا اللى هو بنقول القرد الحيوان اللى هو الفيل نباتى اطول عمرا فى الحيوان السلحفاة نباتية جسم الانسان مركب على انه يبقى نباتى بدليل ان اللعاب بتعنا قلوى يعادل حيوانات اكله اللحوم حمضى عشان يساعد فى هضم البروتينات تمام
مفيد فوزى :نعم
د/مها راداميس :المعدة بتاعتنا الاحماض اللى فيها اقل من اللى فى الحيوانات اكله اللحوم كل ما تقدم بينا العمر بتقل الاحماض دى فى مشكله فى الهضم فى البروتينات انما لما نيجى نقارن بين اللحوم والنباتات لو اتكملنا مثلا على الدم الدم فى جسم الانسان بالنسبة للحديد اللون الاحمر كذلك فى النباتات الكرولوفيل اللى فيه بيبقى غانى بالمغنسيوم الاثنين بيشبهوا بعض هضم البروتينات بياخد منا مجهود بينتج عن الناس اللى بتكثر من اكل البروتينات يتبقى فى بواقى فى جسم الانسان دى بتسبب مشاكل صحية
مفيد فوزى :اللحمة بروتين حيوانى ؟
د/مها راداميس :بروتين حيوانى اه فيه نسبة من الكرسترول حتى اللحوم الحيوانية اللى باخذها حتة اللحمة الحمرا الالياف ماسك بينها دهون 30 – 40 % منها دهون انما لما ابص على الشخص اللى بياكل بقى البروتينات الحيوانية بس كمان بيخش برضه فى مشاكل ممكن يعمل التهاب فى المعده من اكل البروتينات ممكن يعلى اليورك اسد ممكن يعمل التهاب فى الكلى بيعمل سرطان فى القولون
مفيد فوزى :اللحوم؟
د/ مها راداميس :اللحوم حتى الامعاء بتاعت جسم الانسان طولا اطول من 8 الى 12 مرة من الحيوانات اللى بتاكل اللحوم لان بتقعد فيها البروتينات فترة اطول بتعمل مشاكل وتعفن
مفيد فوزى :وتعفن ؟
د/ مها راداميس : اه عشان كده كمان الناس اللى بتاكل كثير كما ن بيسببوا لها امساك فدى مشكله اكبر ووجد البروتينات معاه فترة طويله بتعرضها لامراض السرطات فعشان كده البروتين لواتكلمنا فى مجمله بياثر على كل جسم الانسان وبيعرضة لمشاكل بس حقيقى ما نقدرش نستغنى عنه
مفيد فوزى : النباتى بقى انت قولى فى الاخر حقيقى ما نقدرش نستغنى عنه ؟
د/ مها راداميس : اه ليه لان انا ممكن اسئ تركيبة الاكل النباتى او ان انا اكل نوع واحد واهمل باقى الانواع
مفيد فوزى :فيحصل الانيميا ؟
د/ مها راداميس :فيحصل الانيميا
مفيد فوزى :اه خلينى معاكى خطوة بخطوة وانا مبسوط قوى من طريقة التفسيردى اللحم هل ممكن القاها كبديل للفراخ؟
د/ مها راداميس :اه احماض امينية
مفيد فوزى :اه والسمك؟
د/ مها راداميس :احسن من السمك لان البروتينات دى حاجة مهمة جدا هى دى اللى بتساعد فى التام الجروح الشعر العظم النمو
مفيد فوزى :كل ده البروتين؟
د/ مها راداميس :كل ده اساسة البروتين
مفيد فوزى :تسمحى تقولى لى ما هو البديل لبروتين اللحمة الحيوانى ؟
د/ مها راداميس : هنيجى للى هما الناس النباتية
مفيد فوزى :نعم
د/ مها راداميس :ده بيبقى يعنى فى منظمة دى بنسميها المكروبيوتيك
مفيد فوزى :اسمها ؟
د/ مها راداميس :المكروبيوتيك الناس بتعتمد فعلا على الاكل النباتى فقط
مفيد فوزى :قولى لى امثله ؟
د/ مها راداميس :زى مثلا دى مجموعة فى اسيا اللى هما بيستخدموا الطحالب الحبوب البقول بتتجمع بلاقى فيها الاحماض الامينية كاملة ليه
مفيد فوزى :الناس فى مصر تعرف انه البديل الفول والطعمية.
د/ مها راداميس : اه
مفيد فوزى :هل ده طعام صحى ؟
د/ مها راداميس : الفول مش كفايه مثلاممكن بدائل اللحمة نمرة واحد العيش وعليه فول الصويا
مفيد فوزى :اه له نفس التاثير العلمى
د/ مها راداميس : لمينا الاحماض الامينية اللى هما ال 28 كاملين الميانو اسدانما لوبديل ثانى مثلا الارز والعدس حبوب وبقول
مفيد فوزى :الارزوالعدس يعنى الكشرى وجة غذائية كاملة ؟
د/ مها راداميس :وجبة غذائية كاملة
مفيد فوزى :سبحان الله ده بالنسبة للناس الغلابة بس انا معرفش اذا كان غليت ولا لأ او بتوع الكشرى هيغلوه ولا لأ وارد ده
د/ مها راداميس :دى وجبة كاملة زى بديل للحمة والفراخ
مفيد فوزى :ليه الارز ايه والعدس ايه .؟
د/ مها راداميس : الحبوب حبوب وبقول
مفيد فوزى :البقول اللى هى ايه ؟
د/ مها راداميس : البقول هو العدس
مفيد فوزى :العدس يعنى يصنف على انه بقول ؟
د/ مها راداميس :اه الاثنين دول مع بعض بيدينا الكشرى فيه كمان بنحط جنبيها خضروات عشان ياخد كل اللى فى الجسم
مفيد فوزى :الخضروات والسلطات فيتامينات ؟
د/مها راداميس :فيها الفيتامينات وفيها معادن وفيها الياف بتساعد الجسم على ان يتخلص من السموم فا نيجى نفرق مثلا اللحوم والخضروات اللحوم مفيهاش الياف انما فيها دهون فيها نسبة من الكرسترول فعشان كده السموم بتفضل لو خدنا بروتين وبس احنا بنحتفظ بالسموم داخل الجسم انما لما نضيف لها خضار وسلطة او بناكل وجبة نباتية دى غنية بالالياف اللى هى يا اما بتقلل الكرسترول لو هى بتزوب بتقلل الكرسترول بتقلل السكرالدهون ما بتدبش بتساعد على ان هى تاخذ السموم وطلعها برة الجسم
مفيد فوزى :هل النباتيون باذن الله اعمارهم اطول؟
د/ مها راداميس : اعمارهم اطول بدليل السلحفاة عمرها طويل
مفيد فوزى :الفاكهة فيها بروتين ؟
د/ مها راداميس :لأ الفاكهة دى كربوتيدرات دى فيها سكربيدينا طاقة الوجبات النباتية اللى هى الخضار والسلطة
مفيد فوزى :البيض فيه بروتين ؟
د/ مها راداميس :البيض احسن انواع البروتين الحيوانى ان احنا لما بنسلق بيض ما بنحتش له اى اضافات من الدهون ما بيبقاش الكرسترول ما بيحصلوش اكسدة ان هو الكرسترول
مفيد فوزى :هل السلق؟
د/ مها راداميس :السلق اسلم طريقة ما بيعملش الكرسترول ما بيحصلش اكسدة للكرسترول علشان يبقى كريسترول مش مضر ممكن اكل كل يوم بيضة وبيضتين
فاصل
مفيد فوزى :تقدر تقاطع اللحمة ؟
مواطن :اه
مواطن :اقدر اقاطعها طبعا
مفيد فوزى :ازاى ؟
مواطن :ده سعرها غلى جدا يعنى
مفيد فوزى :ايه الطريقة اللى الناس بيها تقاطع اللحوم ؟
مواطن :فى الفراخ فى السمك مكان اللحمة مش اللحمة حاجة اساسية يعنى
مفيد فوزى :الجزارين كده ممكن تتاذى ؟
مواطن : فعلا لان باب رزقة ده لان لما انت متخدش وده ما يخدش وده ما يخدش هيضطر انه يمشى بقى بالعداله بتاعت ربنا
مفيد فوزى :ومن غير كده .
مواطن :ومن غير كده مش هتتعدل ا لتاجر يستغل والجزار يستغل وده يرمى على ده وده يرمى على ده وده يقولك ده غلبان لما يكون واحد دخله ضعيف
مفيد فوزى :الاسبوع اللى فات انتفاضة الجزارين رفضوا رفضا قاطعا ولومجرد تفكير فكرة مقاطعة اللحوم هل ممكن القاها كبديل للفراخ ؟
د/مها راداميس: اللحوم بروتين احماض امينية وفى السمك احسن من السمك كل البروتينات دى حاجة مهمة جدا
مفيد فوزى :كده البروتين ؟
د/ مها راداميس: كل ده اساسة البروتين
مفيد فوزى :تسمحى تقولى لى البروتين النباتى لبروتين اللحمة الحيوانى ؟
مفيد فوزى :الناس تعرف ان الفول والطعمية طعام صحى
د/ مها راداميس: الفول مش كفاية لما ينيجى للحمة كاملة يعنى نمرة واحد العيش وعليه زبدة فول الصويا والكوشرى
مفيد فوزى :هل الكشرى وجبة غذا ئية كاملة ؟
د/ مها راداميس: كاملة
مفيد فوزى :سبحان الله بالنسبة للناس مش عارف عارفين ده والا لأ وبالنسبة لبتوع الكشرى هيغلوة والا لأ وارد يعنى
د/ مها راداميس: دى وجبة كاملة بملايين الاحماض
مفيد فوزى :امال الارز ايه والعدس ايه ؟
د/ مها راداميس: حبوب
مفيد فوزى :البقول ايه ؟
د/ مها راداميسالبقول هو العدس
مفيد فوزى :اللحمة ؟
د/ مها راداميس: الياف انما فيها دهون بتعمل كولسترول
مفيد فوزى :البيض فيه بروتين ؟
د/ مها راداميس:البيض مفهوش اى نقاط من الدهون
مفيد فوزى :البيض هو الاسلم؟
د/ مها راداميس:اسلم طريقة
فاصل
مفيد فوزى :اللحمة ؟
مواطن :ارخص سلعة دلوقتى فى السوق يعتبر الفراغ بالنسبة للاسعار بتاعتها يعنى الكليو المذبوح دلوقى بيتباع ب 16 جنية والفيليه دلوقتى بيتباع ب 32 جنية يعتبر برضه بالنسبة للحمة ارخص حاجة
مفيد فوزى :انا قابلت واحدة ست بتقولى انه حتى الفشة والممبار والحاجات دى غليت كمان هل ده صحيح ؟
مواطن :اه الفشة دلوقتى بتتباع ب 22 جنية
مفيد فوزى :كانت قبل كده بكام ؟
مواطن :كانت قبل كده ب 14 جنية و8 جنية الكرشة دلوقتى كانت ب 4 جنية بقت ب12 جنية كل حاجة غليت
مفيد فوزى :هل الفراخ بالنسبة لك اصبحت دلوقتى تلجأ لها الناس بعد اللحمة ؟
مواطن :دلوقتى المستهلك ما يقدرش يجيبها ب 55 جنية ولا 60 جنية
مواطن :اللحمة المستورده الكيلو انهاردة ب 26 جنية اللحمة المستوردة دى كنا بنبعها ب 8 جنية
مفيد فوزى:والناس بتخاف كمان من المستوردة ليه بتقولك فيها مشاكل ؟
مواطن : لأ المستوردة المستورد على فكرة اضمن من البلدى
مفيد فوزى :اضمن من البلدى ليه ؟
مواطن : اللى عنده ثقافة برضه وبيفكر المستورد ده بيمر بكذا مرحلة قبل ما يخش البلد هنا
مفيد فوزى :انت واثق من الرقابة بالكامل؟
مواطن :الرقابة 100 - 100 و3-4 مراحلرقابة على ما يخش المستورد البلدى هنا فى المدبح الدبيحة ممكن عندها السل ويطلعوه
مفيد فوزى :عنده ايه ؟
مواطن :الدبيحة ممكن يكون عندها السل اوعندها مش عارف ايه ويطلعوها
مفيد فوزى :بيتعمل عليها ....؟
د/ مها راداميس: لالا فى المدبح اى حاجة بتطلع يعنى ممكن يبقى فى دبيحة عندها السل وبتتطلع
مفيد فوزى :مش فاهم يعنى ايه ازاى بتعرف عندها السل؟
د/ فتحى :ما الدكتور بقى
مفيد فوزى :الدكاترة البيطريين قليلون بالنسبة للمدبح؟
د/ فتحى:بالنسبة للمدبح قليلون اوبيخافوا من الجزارين بتاعت اللحمة طبعا شداد عليهم
مفيد فوزى :جميع الجوانب يمينا ويسارا وشمالا وجنوبا ولاانا بقول كلام فارغ ؟
د/فتحى: هقول لسياتك ايه انا واحد من المستوردين فى لجنة علمية فى الهيئة قال لى احنا وزرا ء انت قاعد ليه معانا لغاية دلوقتى يعنى انت قاعد معانا ليه لغايه دلوقتى ما انا قاعد زى اللقمة فى الزور بالنسبة له يعنى لكن انا ما تجتش بنفسى متجرد ماليش مصلحة انا اولا مبادئ مراقبة الاغذيةمع المنتج يكون فى صالح المستهلك اتعرض لما تكون الحاجة دى غير صالحة للاستهلاك الادمى لان السلعة الموجودة فى مصر لما باعدم حاجة انا باعدم جزء من الاقتصاد القومى
مفيد فوزى :فى احصائيات كانت عملاها وزارة التجارة فى سنة من السنين سنة 96 نقص من الاغذية تعادل 66مليار جنية الا ثلث هذه الكمية تمت اعدامها لم يستفاد منها لانها فسدت من التخزين
د/ فتحى:من سوء التخزين من الحشرات من الفئران من الطيور من كذا ثلث ده يساوى كام 22 مليار الثلثين اللى باقيين ثمنهم كام 66 مليار يعنى التاجر مش هيخسر اذا تحمل المستهلك
مفيد فوزى :الجزار ما بيخسرش ابدا؟
د/فتحى :اطلاقا طلاقا لايمكن يخسر كل سعر يزيد اللى بيشيله المستهلك التاجر لا يمكن يخسر فابحذر وبقول لابد ان يكون هناك جهاز من الدولة للمساعدة فى تخفيض الاسعار سعر البورصة العالمية من جهة اللحوم معروف وثابت وبيتغيريوم عن يوم زى السكر زى الحديد زى الاسمنت وصول اللحمة فى الموانى او فى المحاجر البيطرية فى مصر ادى سعر السيخ بيقولوا عليها سعر السيخ سعر وصولها للموانى بيتحط عليه هامش ربح علشانتنزل للاسواق يبقى سعرها كام انهارده اللعب فى سعر اللحوم اللى جايه من اثيوبيا وصل سعرها انهاردة حاجة وثلاثين جنية مقارنة بالبلدى اللى بيتباع بحاجة وخمسين جنية
مفيد فوزى :بتتباع بكام ؟
د/ فتحى :بتتباع بحاجة وثلاثين جنية فى المجمعات قبل كده كانت ب 20 جنية بتاعت البرازيل ب20 جنية وقطعيات ممتازة انا بقول لهم لو كنا عاوزين نحاول ونساعد الدول الافريقية مش بالاسلوب ده
مفيد فوزى :فى دول بالمناسبة مرة بداو بعملية المقاطعة فى يوم من الايام ؟
د/فتحى :ضرورى كل المجتمعات الاوروبية مرت بهذه التجارب وجمعيات حماية المستهلك قوية جدا فى الخارج
مفيد فوزى :اللى هى المجتمع المدنى ؟
د/ فتحى :جمعيات المجتمع المدنى
مفيد فوزى :اللى هى فى اوروبا ؟
د/ فتحى :فى اوروبا وامريكا
مفيد فوزى :لما بتقول وقف؟
د/ فتحى :وقف يعنى وقف ليه لان ميفيش سعر يزيد سنت مش جنية الا لما يبقى فيه دراسة وفيه وقفة
مفيد فوزى :تفتكر الناس لما بتهرب من اللحمة تروح للحلويات اللى هى الحاجات اللى انت بتعملها فى المطعم ؟
تاجر: اه هو فى يعنى فى الحاجات دى بتريح المعدة لان
فى مسلوق اهم شئ فى الشغله ديت النظافة بتعتها
مفيد فوزى :الحاجات اللى عندك مسلوقة ؟
تاجر: وفى محمراللى هو العجالى لو عايز محمر الزبون عايز محمر ماشى
مفيد فوزى :فى ناس انت بتبيع اللحمة بكام ؟
تاجر: انا بقول لسياتك فى وجبة ب 8 جنية وفى وجبة ب10 ووجبة ب 12 جنية
مفيد فوزى :انا كنت متخيل اللحمة حاجة ثانية امال اللحمة اللى ب60 وب70 وب80 ؟
تاجر: دى عند الجزار سيادتك
مفيد فوزى :اللحمة اللى عند الجزار؟
تاجر: اه دى لمؤاخذ ايه اللى عند الحروف
مفيد فوزى:ايوه فهمنى علشان ابقى متنور؟
تاجر: دى لمؤاخذه بنجيب اللحمة اللى هى العجالى اللى هى عند الجزار انا باشتغل فى ايه السقط بتاع العجل اوبتاع الخروف
مفيد فوزى :هما دلوقتى بيبيعوا الكبده لوحدها ؟
تاجر: بينزلها القلاى بتاع الكبدة والمخ
مفيد فوزى :د ه فى متعهد بيلم الكبدة ولوالجزارعايزالكبدايه بتاع العجل اللى هو بياخذها عادى
وبيبعها عادى؟
تاجر:اه بيبعها عادى للزبون بتاعة لو واحد عايز لحمة وعايز كبده
مفيد فوزى :تفتكر ايه اللى يخلى اسعار اللحمة تنزل المقاطعة؟
تاجر: ممكن المقاطعة لأ ما مش القضية بتاعت البلد كلها البلد كلها عايزة منظومة شامله فى الاسعاروالحاجة غالية بنعتبر نص كيلو لحمة هتاكل عيله هنعمل بتاع اى بتاع الناس هتاكل هنعمل ايه انما لو جبت نص كيلو كبده هياكل مين بتاكل نص كيلو لحمة اللى قالوا الغلا الجبن والالبان برة فى اوروبا لأ طب ليه احنا
مواطنة :طب ليه احنا بنتصور جانب اللحمة
مفيد فوزى :طب ازاى ؟
مواطنة :كده ناخد صورة وخلاص كده جنب اللحمة اكننا كلناها هنعمل ايه احنا دلوقتى على المعاشات المعاشات ضعيفة طب نعمل ايه الحياة صعب والخضار غالى اللحمة غالية السمك غالى وكل حاجة غالية طب نعمل ايه نتصور جنب الحاجة وخلاص وامرنا لله