هاجم مرتضى منصور، رئيس نادي الزمالك، الإعلامي كريم حسن شحاتة، بسبب حديث الأخير عن تدخله في العمل الفني للأسكتلندى أليكس ماكليش، المدير الفني للفريق، قائلًا «عايز أقولك يا كريم إنت كداب، والقصة دي مش هتمشى معايا، إنت قولت إن الراجل اشتكى من ناس فى الجهاز وده محصلش، وقولت إنى طلبت منه ما يلاعبش بعض اللاعبين، وده كمان ما حصلش، مصدرك كداب وبيلعب بيك، لكن أنا رئيس نادي الزمالك لما أبقى عايز أرد على الكذب، تقول لأ فيه مقاطعة، أقسم بالله إنى لو ما طلعت فى ماتش الكأس والدوري الجاي للزمالك، ما فيه كاميرا للنهار والحياة، وأون تي في، هتدخل النادي». وتابع منصور، خلال تصريحاته اليوم الأربعاء، للموقع الرسمي للنادي الأبيض، موجهًا حديثه لمحمد كامل، رئيس شركة برزنتيشن، «هتعيط هتلطم هتصوت مش هتدخلك كاميرات، خليكم ماشيين ورا محمد الأمين». وأضاف، لأ أحد يجرؤ في مصر على إدخال كاميرا لنادي الزمالك، لأن هناك قرار من الجمعية العمومية بذلك، «وإللي مش عاجبه يخبط دماغه في الحيط».