خيري رمضان ل«هشام عبد الله» بعد سفره لتركيا: إية اللي منعك من المعارضة في مصر؟

انتقد الإعلامي خيري رمضان، مساء أمس الجمعة، التصريحات التي أدلى بها الفنان هشام عبد الله، مبررًا فيها هجرته من مصر إلى تركيا، بعدم وجود فرصة أو مساحة حرية لمعارضة النظام الحالي.
وأضاف رمضان، خلال برنامج "ممكن"، المذاع على قناة "سي بي سي"، "إية اللي منعك من المعارضة؟ فيه فنانين كتير موجودين في مصر، وبيعارضوا النظام الحالي، ومفيش مشاكل بتواجهم في البلد، وحياتهم العملية مستمرة".
وتعرض عبد الله، لانتقاد حاد بعد سفره إلى تركيا لتقديم برنامجًا تلفزيونيًا في إحدى القنوات المؤيدة لجماعة الإخوان، التي تعتبرها الحكومة المصرية جماعة إرهابية.
وقال عبد الله، وفي الحلقة الأولى من برنامجه "ابن البلد" المذاع على قناة "وطن" التي تبث من تركيا، "أنا جيت تركيا علشان أتكلم براحتي اتكلم بحرية مع أهلي وناسي وأعبر عنهم وانتقد اللي مش عاجبني في البلد مش انتقد البلد، انتقد اللي بيديروا البلد، مش مهم نعارض منين المهم نتكلم في مصلحة بلدنا، هو اللي جوا مصر بيحب مصر أكثر من اللي براها، اللي برا مصر بيحبها أكثر لأنه مشتاق لها، اللي يعارض من جوا مصر أو من برا مصر بيعبر عن حبه وخوفه عليها، وأنا مسافرتش علشان انتمي لأي فصيل سياسي، وأنا طول عمري لا انتمي لتيار سياسي ولا بحب السياسة، ولا انتمي غير لمصر وشعبها".