علق أمير مرتضى منصور، نجل رئيس نادي الزمالك، على الهجوم الذي تعرض له من أحمد حسام "ميدو"، المدير الفني السابق للأبيض، حول تدخله في أمور النادي. وقال نجل رئيس الزمالك عبر حسابه بموقع "إنستجرام"، اليوم الثلاثاء، "رغم حزني الشديد واحترامًا لجماهير نادي الزمالك، مش هرد على أي إساءة أو اتهام أو إهانة، وده مش ضعف، الحمد لله أقدر أرد في أي وقت، وبعتذر لكل البرامج اللي طلبت إني أكون ضيف عشان أرد؛ لأن مصلحة النادي دلوقتي أهم من غضبي وحرقة دمي وحقي في الرد". وأضاف: "هسكت عشان مصلحة النادي، وعشان محدش يشمت أو يتريق علينا، وهبذل أقصى جهدي إني أقنع والدي أنه يسكت وميردش عشان خاطر الجمهور والفريق؛ لأن الفترة الجاية صعبة.. الزمالك أولاً وأخيرًا".