علق أمير مرتضى منصور نجل رئيس نادى الزمالك، على الهجوم الذى تعرض له من جانب أحمد حسام ميدو المدير الفنى السابق، بخصوص تدخلاته فى النادى بالسكوت لمصلحة نادى الزمالك. قال أمير مرتضى عبر حسابه الشخصى بموقع التواصل الاجتماعى فيسبوك: "رغم حزنى الشديد واحتراماً لجماهير نادى الزمالك مش هرد على أى إساءة أو اتهام أو إهانة وده مش ضعف الحمد لله أقدر أرد فى أى وقت وبعتذر لكل البرامج اللى طلبت أنى أكون ضيف عشان أرد لأن مصلحة النادى دلوقتى أهم من غضبى وحرقة دمى وحقى فى الرد ولكن هسكت عشان مصلحة النادى وعشان محدش يشمت أو يتريق علينا وهبذل أقصى جهدى أنى أقنع والدى أنه يسكت وميردش عشان خاطر الجمهور والفريق لأن الفترة الجاية صعبة.. الفريق هيبدأ أفريقيا وكأس مصر والدورى محتاج تركيز والمدير الفنى محتاج دعم ومساعدة ومساندة.. وأخيراً اقسم بالله كلمة زملكاوى أحسن من أى منصب بالنسبة لى واللى بيحب الكيان بجد يحط مصلحة الزمالك قبل مصلحته .. #الزمالك_اولاً_وأخيراً". أخبار متعلقة - بالصور..ميدو: مرتضى منصور يقود مشروع التوريث فى الزمالك وبقوله "مش هيحصل" - بالصور..ميدو يحذر مرتضى منصور: "عارف بلاويك.. وحياتك الخاصة عندى"
