قال الإعلامي عمرو أديب، اليوم الإثنين، في حديثه حول انتخابات مجلس النواب، «كل أما أركب مع سواق تاكسي، أو أقعد مع واحد وأقوله، إنت انتخبت مين، يقول انتخبت تاجر مخدرات بس هيكسب»، مبديًا دهشته من الأمر ، وأضاف: «أنا ما أظنش أن الجملة دي ممكن تتكرر في أي بلد تاني في العالم، ولا في نيبال حتى، وبعدين ده مش واحد سألته وقالي كده، ده أنا كل ما أسأل شخص يقولي كده، أروح لواحد تاني يقولي، أصله تاجر مخدرات وربنا كارمه، إيه البلد الغريبة دي». وتابع أديب، خلال برنامج «القاهرة اليوم»، عبر قناة «اليوم»، «المواطن متصالح ومتصافح ومتصارح، أو زي ما قال عمنا فؤاد نجم الله يرحمه، ثوري ونوري وكلامنجي، وأنا مش بقول إن كل الناس اللي كسبت تجار مخدرات، حاشا وكلا، ومش عايز النواب يزعلوا مني»، مستكملًا: «أنا بقول كده عشان أتساءل، عارفين إنه تاجر محدرات، طيب جايبينه ليه طيب، ليه إحنا مبسوطين إن في تاجر مخدارت هيبقى في المجلس، وبعدين مين التاجر اللي الدائرة بتاعته كلها عارفاه، والدولة بس اللي مش عارفاه، شيء لا يصدقه عقل».