انتظر حتى تجد من تريدها وتقتنع بها شريكة لحياتك

أنا دلوقتي باكلم واحدة بقالي 3 سنين وبتحبني جداً فوق الطبيعي وأنا مش عارف بقى بحبها ولا متعود عليها واللي خلاني أكلم البنت دي إن دي ظروف كده كانت وأنا في ثانوية عامة، أنا واحدة جت قالت لي إن فيه واحدة معجبة بيك وكلام من ده أنا ساعتها كنت باكلم واحدة تانية وباموت فيها وبعدين حصل إني كلمت اللي صاحبتي قالت لي عليها دي اللي هي كانت قدي كلمتها مع اللي أنا بحبها اللي كانت أصغر مني بسنتين وأنا كنت فاكر في الأول إن اللي قدي دي كل الموضوع اللي هيكون بيننا إننا صحاب وكمان أنا لما كنت في ثانوية عامة تفكيري إن الواحد يبقى حلو وراجل لما يعرف بنات كتير.
وحصل بعد كده إني سبت اللي أنا بحبها بعد ما هي عرفت إني باكلم واحدة تانية، وقعدنا 3 سنين وبعد كده أكتشف إن اللي أنا كنت بحبها كانت كلمت اتنين وهي بتكلمني وهي كانت في 3 إعدادي، يعني صغيرة، وبعدين سيبنا بعض ووصلها كلام أنا باقوله عليها، كلام مش كويس خالص، راحت زعلت مني أكتر ودلوقتي أنا نفسي أرجع لها تاني مش عارف، وبعدين اللي قدي دي أنا كلمتها 3 سنين فمش ينفع أجرحها، وبعدين ارتباطي بيها مستحيل خالص لأننا قد بعض وأنا لسه بحب اللي أنا كلمتها زمان ومش عارف أعمل إيه قولوا لي إنتم أنا أعمل إيه.
ساعدوني plz وخايف أرجع لها ترد فيّ اللي أنا عملته فيها وخايف أرجع ألاقيها مع غيري وكمان مش عايز أجرح اللي قدي دي علشان إني كلمتها 3 سنين، أنا عارف إني غلطان في الأول إني كلمت واحدة على اللي أنا بحبها؛ بس أنا كنت مش فاهم حاجة ولا عارف هيحصل إيه قدام ساعدوني.

dodi

لو عايز تفضفض لنا دوس هنا