فودة: انتقادي للأوضاع في ظل حكم السيسي لا يعني التحسر على «أيام مرسي»

قال الإعلامي يسري فودة، اليوم الخميس، إن انتقاده للأوضاع الراهنة في البلاد، في ظل حكم الرئيس عبد الفتاح السيسي، ليس معناه أنه يتحسر على «أيام الرئيس المعزول محمد مرسي»، مؤكدًا أنه لا رغبة له في أن «البلد تقع»، حسب وصفه.
وكتب يسري، عبر حسابه الشخصي بموقع التواصل الاجتماعي «فيس بوك»، «علشان بس نكون واضحين مع بعض في وسط البلاوي اللي بتحصلنا كلنا دي، اللي فاكر إن قرفنا من الحالة دي فيه شبهة تحسُّر على أيام مرسي، ياريت كده يفكر مع نفسه و يفكر تاني (و لا يتعارض هذا مع تعاطفنا مع كل مظلوم)».
وأضاف: «واللي فاكر إن تعبيرنا عن قرفنا من الحالة دي، فيه شبهة رغبة في إن البلد تقع، ياريت كده يتكرم على نفسه و يطلّع الديكتاتور اللي جواه، (و لا يتعارض هذا مع تفهمنا لحالة القلق من اللي بيحصل جوه مصر و حواليها)».
وتابع: «مش لازم أكون متفق معاك على كل حاجة علشان يكون فيه أمل نقدر نعيش مع بعض، اللي زي حالاتنا ما يهموش مين بيحكم، يهمه بس إزاي بيحكم، و قد إيه عنده استعداد يسمع الناس كلها و يلتزم بالدستور، يهمه العدل والمساواة واحترام الجميع والشغل الحقيقي بدون تجارة بالدين أو بالوطن، إحنا بنحلم يا أخي، خلونا نحلم، حتى الحلم عايزين تصادروه؟».