رسالة مؤثرة من نيللي كريم لوالدتها بمناسبة عيد الأم

وجهت الفنانة نيللي كريم، اليوم الجمعة، رسالة لوالدتها عبر صفحتها الرسمية بموقع التواصل الاجتماعي "فيسبوك"، بمناسبة عيد الأم.
وكتبت نيللي عبر صفحتها: "إلى أغلى حد في الحياة كلها ماما ثم ماما ثم ماما، بحبك، وبتخانق معاكي، ومش بسمع كلامك، وبعندك معظم الوقت، وأنتي دائمًا صح علشان عندك حاسة الأم إللي دائمًا بنطلع صح، لو حد لي فضل عليا بعد ربنا هي ماما فقط لا غير، هي إللي جنبي، هي إللي بتساعدني، هي إللي شايلة وشالت كل عيالي في عز شغلي، أو تقلباتي النفسية والعصابية، حتى وهي عيانة قلقانة عليا".
وأضافت نيللي: "مش عارفة أقول ليكي شكرًا على إيه ولا إيه، أشكرك أني لسة عايشة ولسة زي ما أنا، زي ما ربتيني أكون إنسان محترم واحترم حتى المش محترمين، وكل واحد بتديله أسباب للسماح أقول إيه غير كفاية حسك في الدنيا، وسامحيني لو لسه مش بسمع الكلام، بحبك أد الدنيا وأنتي الدنيا".