بالفيديو.. أديب مدافعًا عن «أبو النجا»: هو أي حد هيعارض السيسي هيتصلب.. فين الديمقراطية ؟

كتب: عبد الفتاح العجمي
دافع الإعلامي عمرو أديب، بشدة عن الفنان خالد أبو النجا، إثر تعرضه لحملة تشويه شرسة، بعد مطالبته للرئيس عبد الفتاح السيسي بالرحيل.. قائلًا«هو حر، يقول اللي هو عايزه، مش أي حد يعارض السيسي يتصلب».
وأضاف «أديب»، خلال حلقة اليوم من برنامجه «القاهرة اليوم»، الذي يذاع على قناة اليوم «هي دي دولة ديمقراطية ولا لأ، دا رأيه وهو حر فيه، ده لو مجتمع ديمقراطي، يا إما بقى نعملها سلطنة ونريح نفسنا، وخد الحكم كله، بس بشرط أكلنا وشربنا، يا جماعة لازم نستحمل بعض شوية، كده مينفعش، إحنا كلنا عائلة واحدة وفي دائرة واحدة، لازم نعيش سوا أو نموت سوا».