الأهلي اليوم : مانويل جوزيه ملك الغابة .. أهلاوي بدرجة ثائر

الأهلي اليوم : من صفات الثوار الحقيقيين في العالم كله الصدق و الوفاء و الإخلاص مع النفس و مع الناس و عدم إستغلال ثوريتهم للوصول لمكانة أعلى إجتماعيًا أو ماديًا ، البرتغالي مانويل جوزيه دخل مصر كأي مدرب محترف و كانت أول مرة رجله تخطي عتبة بوابات مصر و الأهلي و ربطته بالأهلي علاقة تعاقدية كأي مدرب محترف جاي فترة و هيمشي ناجح كان أو فاشل لكن مكنش حد يتخيل إن العلاقة التعاقدية دي هتتحول لعلاقة عاطفية بحتة من غير مناصب رسمية و عقود و شيكات.
الأهلي اليوم : جوزيه أسطورة عاشقة للأهلي
الأهلي اليوم : جوزيه مش مصري و مكنش أهلاوي من و هو صغير و مش منتفع حاليًا من الأهلي بأي شئ ولا طمعان في الأهلي لأنه اتطلب منه أكتر من مرة يرجع للفريق لكنه تمسك بإعتزاله التدريب و رفض و كان بيقابل أي إستشارة مجانية من مسؤوليين الأهلي بصدر رحب و مكنش محبوب من أغلب الإعلاميين و النقاد الرياضيين اللي منهم مازالوا بيشككوا في إنجازاته و منهم اللي بينافقوه بعد ما كانوا بيشتموه خوفًا من شعبيته.
الأهلي اليوم : رغم كل ده هي حاجة واحدة بتربطه بالأهلي بتخليه كل فترة في زيارة للأهلي و المرة دي في وقت مهم قبل ماتش حاسم للأهلي و بتخليه يرفض الشغل في أي مكان يخسر بسببه قلوب جماهير الأهلي، الحاجة دي هي إرتباطه عاطفيًا بالأهلي النابع من صفاته الثورية الصادقة.
الأهلي اليوم : جوزيه الثورىي الأهلاوي
الأهلي اليوم : و بمناسبة الكلام عن ثورية جوزيه و الناس اللي دايمًا تكلمنا عن البرجماتية و بتصدرلنا إن مبقاش في حاجة اسمها إنتماء و إن الماديات بس هي اللي بتحكم اسمحولي اوجهلهم رسالة بإستعارة كلمات عم أحمد فؤاد نجم الله يرحمه في قصيدته العظيمة “جيفارا مات”
الأهلي اليوم : “ما رأيكم دام عزكم يا أنتيكات
يا غرقانين في المأكولات و الملبوسات
يا دفيانين يا مولعين الدفايات
يا محفلطين يا ملمعين يا جيمسينات
يا بتوع نضال آخر زمن في العوامات
ما رأيكم دام عزكم جيفارا مات
لا طنطنة ولا شنشنة و لا إعلامات و إستعلامات”