نداء من المسطول «لحزب الحشاشين»

بالبلدى

للاسبوع الثاني علي التوالي حانتكلم في أزمة الحشيش والسولار مع صديقي المسطول اللي بقول لاعضاء حزب الحشاشين وهم عددهم ملايين المصريين
بيقولهم المسطول أنه بيوجه نداء ليهم بيقول المسطول في ندائه لحزب الحشاشين أن يحضروا ويعتصموا علي رصيف مجلس الشعب لعمل مظاهرة للحشاشين ضد كبار المسئولين عن البني آدمين المصريين اللي مش عارفين يلاقوها منين ولا منين.
وبعد بيان المسطول لحزب الحشاشين سألت صديقي المسطول عن المستفيدين من أزمة الحشيش فقال لي المسطول للأسف الشديد فيه ناس كبيرة مسئولة ومسنودة ومستفيدة من أزمة الحشيش وهؤلاء المسئولون عايزين يضربوا حزب الحشاشين وبدلا من أن الضريبة بتوع حشيش يضربوا «صواريخ حشيش» عايزينهم يضربوا «ويسكي وبيرة ونبيذ وشمبانيا» مع أن هذه المشروبات حرام.. لكن المشروبات الثانية ديه لما تضربها وتشربها ما ينفعش تصلي أو تقرب من أي مسجد.
قلت لصديقي المسطول افرض الحكومة ما عملتش حاجة لحل أزمة الحشسش هانعمل إيه فقال المسطول بما أن الحشيس اللي يضربه دلوقتي ده معمول بالسولار وأزمة السولار سببها إن تجار الحشيش خدو السولار وعملوا بيه حشيش أو عجنوا السولار بالحشيش يبقي إحنا نروح لاقرب بنزينة ونضرب بنزين «92» أهوه أنظف من السولار أو نرجع تاني نضرب بانجو.