ضحية الهيروين والمسئولين

بالبلدى

· قال المسطول إن أزمة الحشيش اللي عملتها وزارة الداخلية هي السبب لأن البنت إياها كانت ضريبة حشيش ولم الحشيش حصلت له أزمة واختفي بقت تضرب هيروين
روحت لصاحبي المسطول لاقيته حزين فقلت له إنت حزين قاللي من إللي بتعمله الحكومة المستبدة ديه في الحشيش والحشاشين وقال صديقي المسطول بقي معقول إحنا بلد إسلامية وأغلبية المصريين مسلمين
وتقوم الحكومة تعاند ملايين الحشاشين المصريين وتعمل عقوبة علي الحشاشين وضريبة الحشيش وتسيب الخمرة والويسكي والبيرة بدون عقوبة بالزمة ده كلام ربنا سبحانه وتعالي حرم الويسكي والبيرة والحكومة بتحللهم وتحرم الحشيش دي حكومة بتعاند ملايين الحشاشين إللي عايشين في أزمة وذلك بسبب اختفاء الحشيش المغربي واللبناني من الشارع المصري، ويواصل المسطول صاحبي كلامه قائلا معقول «فرشة الحشيش المغربي» إللي كانت بألف جنيه وصل سعرها إلي سبعة آلاف جنيه وما حدش لاقيها منك لله ياحكومة يامستبدة ربنا يهدكم وحسبي الله ونعم الوكيل في كل المسئولين اللي بيعذبوا الاخوة الحشاشين لحساب تجار الهيروين قلت للمسطول إيه رأيك في فضيحة البنت اياها اللي مسكوها بتوزع وتبيع هيروين قال المسطول للإسف الشديد البنت دي ضحية الحكومة والمسئولين فقلت للمسطول إزاي بقت ضحية. فقال المسطول إن أزمة الحشيش اللي عملتها وزارة الداخلية هية السبب لأن البنت إياها كانت ضريبة حشيش ولمم الحشيش حصلت له أزمة واختفي بقت تضرب هيروين ولأن الهيروين سعره غالي واللي بيضربه مايقدرش علي ثمنه وبالبلدي كدة إللي يضرب هيروين لازم يتاجر فيه علشان يقدر علي ثمنه وده اللي حصل مع البنت دي اللي ضاعت ياعيني وبقت ضحية ولسة فيه ضحايا تاني حيحصل لهم نفس اللي حصل لها. شفتم إزاي الحكومة والمسئولين المصريين بيعذبوا الحشاشين اللي عددهم أكثر من عشرة ملايين من المصريين واللي بيقولهم صاحبي المسطول لازم تعملوا اعتصام عند رصيف مجلس الشعب.