الحوار الوطني.. نائب رئيس حزب المؤتمر: حرب أوكرانيا مش عاملة حاجة في أوروبا.. وإحنا في خيبة أمل

انتقد أحمد أبو عمران نائب رئيس حزب المؤتمر، تبرير التضخم وارتفاع الأسعار بالحرب الروسية الأوكرانية، قائلا إن الحرب مش عاملة حاجة في الدول القريبة من الحرب.
وأشار عمران في كلمته في اجتماع "لجنة التضخم وارتفاع الأسعار" في الحوار الوطني اليوم، إلى زيارته للسويد وليتوانيا وفنلندا قبل أيام، مردفا: "حرب أوكرانيا مش عاملة حاجة، أنا كنت في دول البلطيق لسة جاي، والله إحنا في خيبة أمل مننا"، لافتا إلى ارتفاع نسب التضخم وغلاء الأسعار.
وانتقد مسار جلسة الحوار، قائلا: "اللي بيحصل ده كلام أكاديمي أنا بتكلم عن المواطن هيعمل إيه مع عام دراسي جديد هيجيب لعياله سندوتشات بكام".
وحول ما شاهده في دول البلطيق، قال "بيتعاملوا باليورو، الملابس أرخص من مصر، الأكل هناك أرخص مما تتخيل".
وطالب الحكومة بإيجاد حلول و"تدبر حال الناس اللي داخلة على دراسة، رب الأسرة هيعمل ايه مع الولاد".
وتابع: "سعر البيضة وصل 4.5 جنيه، كيلو اللبن زاد 5 جنيهات إمبارح، قلنا في مشكلة الأعلاف ثم توفرت فين المتابعة والمراقبة".
وقال "مش عارف مافيش أمل في الموضوع ده والا ايه؟ الموظف اللي بيراقب لازم نرفع أجره".