دياب يوضح للجمهور كيف دخل «علي الغريب» ب«نسل الأغراب» كلية الشرطة

أجاب الفنان دياب على السؤال الذي تردد في الفترة الأخيرة من الجمهور، وهو كيف دخل «على الغريب» بمسلسل «نسل الأغراب» كلية الشرطة، ويوجد بعائلته شخص مسجون بتهمة كبيرة مثل القتل، موضحا أنه أشار في الحلقة الأولى أنه عندما وقعت أحداث «العركة الكبيرة»، كان بالفعل طالب في كلية الشرطة وكان متغيبرا أثناء الأحداث لتواجده بالكلية.
وكتب دياب عبر حسابه الرسمي على موقع «فيسبوك»: «كل سنة وحضراتكم طيبين، البوست ده رداً على سؤال بيتردد من ناس كتير على شخصية علي الغريب فى مسلسل نسل الاغراب.. السؤال هو ازاى على الغريب دخل كلية شرطة وعيلتة فيها واحد مسجون وناس بتقتل بعض وهكذا؟».
وتابع: «الإجابة على لسان على الغريب وهو بيحكى فى الحلقة الاولى، ان لما قامت العركة الكبيرة هو كان فى الكلية ومش موجود، يعنى هو دخل الكلية قبل ما تحصل كل الاحداث اللى بتصنف إجرامية، كلها حصلت هو خلاص بقى طالب فى كلية الشرطة».
وأوضح: «وبالنسبة لسؤال انه معملش كشف عيلة.. الراجل ابوه كان عمدة البلد قبل ما يموت يعنى عيلتة مكانش عليها اى لغط وكانوا عيلة كبيرة لحد ما قامت العركة الكبيرة اللى مات فيها ناس كتير زى ما هو حكى فى الحلقة الاولى، من الاخر على الغريب وقت ما دخل كلية الشرطة كانت عيلتة كويسة مافيهاش ما يمنع دخولة كلية الشرطة.. يارب اكون قدرت اشرح كويس ويارب تتبسطوا بالمسلسل وكل سنة وحضراتكم بخير.. اخوكم علي الغريب».

كل سنة وحضراتكم طيبين البوست ده رداً على سؤال بيتردد من ناس كتير على شخصية او #علي_الغريب فى مسلسل #نسل_الاغراب السؤال...
Posted by Mohamed Diab on Thursday, April 15, 2021