وزير المالية: «فخور إن أبويا غفير وموصلتش لمنصبي بالواسطة»

قال الدكتور محمد معيط، وزير المالية، إنه يعتز ويفخر بكونه «ابن غفير»، ونجاحه في الوصول إلى منصب وزير المالية، يعتبر دليلًا على إتاحة البلد للفرصة لمن يجتهد فيها، متابعًا: «مقدرش أقول إني جيت بواسطة، أبويا الله يرحمه كان غفير، واسطة إيه بقى؟ أنا بقيت وزير مالية مصر، هتقولي إيه؟».
وأضاف «معيط»، خلال لقائه مع برنامج «كل يوم»، المذاع عبر فضائية «on e»، مساء الثلاثاء، أنه أرد من وراء هذا التصريح أن يبعث برسالة للشباب بأن المسؤولين الذين في مناصب كبيرة، هم في الحقيقة عاشوا مثل ظروفهم وتحدياتهم، لكنهم عملوا وتحركوا، ولم يستسلموا.
وعقب: «الناس دول زيك، وطالعين من نفس البيئة اللي أنت فيها، لكن اشتغلوا واعتمدوا على الله، لكن هما دلوقتي بقوا قيادات في الدولة المصرية، فيهم الوزير ورئيس الهيئة أو الشركة، فمحدش يحبط ويقولك أصل محدش بيوصل غير بالواسطة».
وذكر أنه لا يمكن إنكار وجود الواسطة في المجتمع، لكن هناك نماذج جيدة ينبغي الإشارة إليها، مستطردًا: «اللي عايز أقوله، ده نموذج قدامك أهو، أبوه كان غفير، وبقى أستاذ جامعة، ودلوقتي هو وزير في الدولة المصرية، فخللي دايمًا عندك الأمل إن اجتهادك وعملك، هو اللي هتلاقيه من ربنا سبحانه وتعالى»