فيديو: محمود بكر: "مايهمنيش جدو.. وأنا مش طبلجي ولا من الفلول!!"

علق محمود بكر على أزمته الأخيرة مع محمد ناجي جدو قائلا: "أنا مايهمنيش كلام جدو.. اللي مزعلني إني مالقيتش حد من القناة اللي بشتغل فيها يقوله عيب اللي أنت بتقوله ده".
وأضاف بكر في تصريحات تليفزيونية: "أنا مش هاعلق الأسبوع ده على ماتشات لحد ما أشوف إدارة القناة هتعمل إيه لأني مش شغال عند أي لاعب من النادي الأهلي.. وأنا معلق محايد واللي بقوله في مباريات الأهلي بقوله مع الزمالك.. والإسماعيلي".
وعن تعرضه لهجوم من جانب جماهير الأهلي بسبب مواقفه السياسية، قال: "اللي هاجموني وكتبوا يافطه مكتوب عليها احنا نادي وطنية مش طبلاجية دي ناس تعبانه وقلة مندسة مش جماهير الأهلي دي".
وتابع المعلق الرياضي: "أنا مش طبلجي ولا من الفلول.. أنا بقول كلمة حق وخايف على البلد وعايز الاستقرار يرجع تاني ودا اللي خلاني أقول إننا لازم نحتفل بذكرى 25 يناير بهدوء ومانعملش أي مشاكل.. ونقول للجيش شكرا ومانهجموش".
جدير بالذكر أن جدو قد وجه رسالة شديدة لبكر قائلا: "ياريت المعلق اللي فاكر دمه خفيف يخليه في حاله ويتعلم ينطق أسماء اللاعيبة صح الأول.
اضغط لمشاهدة الفيديو:
*