مجموعة قصص للمغامرين الخمسه – حديث الذكريات

النهارده الصبح واقف قصاد مكتبتى وطلعت مجموعة قصص للمغامرين الخمسه .. ومنهم أول قصة وهى لغز الكوخ المحترق لما محبوب رايح ينام فشاف نار طالعه من بيت قريب منهم فندا اخته سنيه وراحو يتفرجو عليها فتقابلو مع عبد اللطيف واخته الصغيرة زكيه وهناك اتخانق معاهم الشاويش على وقالهم فرقع انت وهو من هنا جاءت اللقب الي. لذق فيه بعد كده الشاويش فرقع وبعدها بدء يتخانق مع ولد سمين معاه كلب اسمه توفيق خليل توفيق خربوطلى والى بعد كده هياخدو حرف من كل اسم وسموخ تختخ واتفقو ان يكون لهم اسماء رمزية فمحبوب بقا محب وسنية بقت نوسه وعبد اللطيف بقا عاطف وزكية بقت لوزه ..ارجع بقا مين فينا ميعرفش شخصيات المغامرون الخمسة تختخ ولوزة ونوسة وعاطف ومحب والشاويش فرقع والكلب زنجر تأليف الراحل محمود سالم ..أثرت فيا القصص دى جداا ..كانت اول عهدى بالقراية وبالرغم أنها كانت بسيطة وتفتقر للابداع لدرجة الساذجه بعض الشيء للقصص البولسية، إلا أنها شكلت جزءاً هاماً ومحورى لحبيبته للقراءة فيما بعد وبالنسبة للقصص دائما نفس البدايات ونفس التفاصيل
المعادى والليمون المثلج والطقس الحار المشمس وتختخ هو البطل في كل مره
وانا تقريبا فى سن السابعة كنت مبهور جدا بتختخ وذكاءه وطريقة تصرفه فى المواقف الصعبة وشجاعته امام الحراميه والمجرمين وان هو القائد وان هو اللى بيفكر ويقرر ..(وعلشان كده كنت بحب جدا أكون الألفة فى الفصل)
كان نفسى اعيش حياتهم دى وصراع المجرمين من أجل العدالة ..ذكريات لاتنسي بجد إلى مقرهاش وهو صغير خسر كتير للاسف عندى وانا برضه الى بقراها
وهقول سر فى شخصية بعد ما اتخرجت واشتغلت واول يوم رحت الشغل شوفت شخصية اول ما قابلتها معرفش ليه فكرنى بتختخ اسمه ايمن ههههههه ربنا يستر وميقراش ده
عنيا ضربت فى المكتبة لقيت برضه مجموعة الغاز الشياطين 13 وهى عبارة عن الغاز بيحلها مجموعه من 13 فتى وفتاة كل منهم يمثل بلدا عربيا..انهم يقفون فى وجه المؤامرات الموجهة الى الوطن العربى..تمرنوا فى منطقة الكهف السرى التى لا يعرفها أحد.. أجادوا فنون القتال ..استخدام المسدسات ..الخناجر ..الكاراتيه..وهم جميعا يجيدون عدة لغات
وفى كل مغامرة يشترك خمسة او ستة من الشياطين معا ..تحت قيادة زعيمهم الغامض (رقم صفر) الذى لم يره احد ..ولايعرف حقيقته احد
واحداث مغامراتهم تدور فى كل البلاد العربية .. تأليف محمود سالم ايضا اول قصة كانت ثعالب الخليج واصدرت فى بيروت 1978 وبعد العدد العاشر انتقلت لدار الهلال لحدوث الحرب الاهلية ببيروت ..ابطالها هم احمد من مصر الى بيحب زميلته الهام من لبنان وعثمان من السودان وهدى من المغرب وابوعمير من الجزائر ومصباح من ليبيا وزبيده من تونس وفهد من سوريا وخالد من الكويت وريما من الاردن وقيس من السعودية وباسم من فلسطين ورشيد من العراق ..القصص دى تميزت بالنسبالى على الاقل انها عيشتنى فى جو المغامرات فى ربوع الوطن العربى والمؤلف عموما قدم فيها كم هائل من المعلومات عن بلدان الوطن العربى وجغرافيته وكانت بتبث داخلى فكرة حماية الوطن من الاعداء وعلى فكرة هو اقتبس فكرة القصص دى من مسلسل اجنبى كان بيتعرض فى ذلك الوقت اسمه مهمات مستحيله وطوها محمود سالم الله يرحمه لتتناسب مع واقعنا العربى ..قصص جميله .زحاول منتج اقتباسها فى فيلم اسمه الشياطين ولكن فشل فشل ذريع لانه طلع ان رقم صفر بقا خاين وده كان بالنسبه لجيلنا غير مقبول ..ده البطل الخفى الى بينقذ العالم العربى من مؤامرات دوليه ازاى بعد السنين دى تطلعه خاين ..كان غريب جداا ..