فرحة ايمان

فرحة بنتى ..
لما بشوفها ....جوا عيونها
أنسى الدنيا واجرى احضنها
بتسعد قلبى وارمى همومى
وتبقى بداية جميله ليومى
هى شقية وشاطرة ذكيه
وكمان فيها كتير حنيه
تحب باباها ....
تموت فى مامتها...
تساعد تيتة..تحب اخواتها ..
وانا بعشقها ..آه ياخواتى على طعامتها..
ساعة لما تكون فرحانه
تفرح كل الناس حواليها
وساعة لما تكون زعلانه
ننسى الدنيا بكل ما فيها
ولما تكون قلقانه حيرانه
نحتار نعمل ايه لحضرتها
ماهى اميرتنا واحنا عشانها
ننسى همومنا عشان سعادتها
ولما تكون عوازنى فى حاجه
وانا مشغول.....تعمل حاجه
تقوم بيسانى..أقوم على طول
اخدها فى حضنى لسانى يقول
أمرك ياللى ملكتى القلب
ياعيون بابا يا اجمل حب
منا معذور...
وكمان بعشقها ..ومهما تدور
قلبى مصدقها ....
كل ماتكبر..يكبردايما حبى معاها
وبيزيد حبى كمان جواها
نفسى اشوفها عروسة بطرحه
وماليه قلوبنا ساعتها الفرحه
وانا وياها ويا ماماتها
نرقص ليها ولفرحتها
انا بدعيلها فى كل دقيقه
تكون احلامها يارب حقيقة
باقى نصيحه...من بابا خديها
هى صريحه.. واعملى بيها
العلم ويا الايمان....
هما سلاحك ..طريق لنجاحك
وانتى كمان اسمك" ايمان"...