عمرى قبلك ما غنيت قبلك فى ألف متاهة مشيت ول ألف خطوة وجع خطيت وعمرى ما خدتنى أنة وانكسرت ولا رفعت رايتى بيضا وانهزمت وفى الصعب ضحكت ما اتهزيت كنت واعى لنفسى كنت حويط ما أنا طول عمرى يا حبيبتى عنيد ول ألف بحر كا الفرسان عديت لا عاتبت الحظ مرة ولا اشتكيت وفى الحق صوتى عالى وفى الحق عمرى ما اشتكيت ودايماً بعافر مع الزمن ومفيش مرة بكيت أصل أنا رجل قوى والرجل نص ماله جدعنه ونص ماله صيت ووفرت للغالى دمعى وأغلى منك ما لقيت بس برضه مش ناوى أبكى ولا أقول ياريت أصل الست اللى تبكى راجلها ما تستاهل تسكن له بيت غربة طويلة عشتها وبلاد كتيرة هجرتها وعمرى قبلك ما غنيت وحلمى فيكى كبير حلمى ألاقى الراحة بعد الشقى وانسى الحزن وأدوق الهوى ف ماتردنيش للغربة من تانى الغربة زى ما كاره كارهانى ف خبينى فى حضنك الدافى وسيبى الليل الساكن على كتافك يتمايل على كتافى ومن برد الغربة دراينى ومن شهد سحرك اروينى وبنظرة عينيك دواينى وابنى لى ف حضنك بيت يا أم الخدود ورد بلدى وأم العيون حواديت شعر أحمد صلاح محمود [email protected]