عزيزى حسنى مبارك

انا زعلانة منك ايه مفيش رد على الجوابين اللى فاتوا هما ماوصلوش ولا ايه ....معلش تلاقيك نسيت فى الزحمة ...انا كمان معرفتش اكتب لك بعد المحاكمة اللى فاتت الجو يومها كان تراب وريح تحس ان ربنا كان مسلط غضبه عليهم البعده اللى بيحاكموك ويبهدلوك كده وانت عضمة كبيرة وبيقلوا فى قيمتك قدام العالم ..المهم يومها فضلت قاعد تحت التكيف طول النهار اللى كانوا حبابيبنا بعتوه من بره ..سيبك انت القعدة تحت التكييف دى عيشة تلاقيك محروم منها يا كبير معلش ربنا يفك سجنك مش انت حاطط تكييف عندك فى المقبرة اهو بردة ينفعك اصل الحر هناك غير اللى هنا خاااااااااااالص ....بس تصدق انا فرحانة فى اللى بيحصلك ده دا انت شعبيتك طلعت فى السماء اليومين اللى فاتوا قوووووووووووى كل ما اركب مواصلات او اتكلم مع حد الاقيه بيترحم على ايامك ولا اسكندرية ولادك عاملين فيها احلى شغل ومعلقين فيها لوحات كبييييييييرة مكتوب عليها احنا اسفين ياريس تصدق انا الدمعة كانت هتفر من عينى ...كده اطمنت ان الشعب المصرى رجع لاصله التانى الطيب الغلبان هم لحقوا ينسوا اللى انت عملته فيهم والنهب السلب والمحسوبية اللى كان عينى عينك ... وشغل امن الدوله ده بالذات كان كوم لوحده ... وقيمة دولتنا اللى ادحضرت فى عهدك والتعسيلة الكبيرة اللى نيمتها للشعب كله طول السنين اللى فاتت... ولا علاقتك السوده بافريقيا اللى بسببها اثيويبيا بتفكر تبنى سد حاليا بعد ما حطتهم فى اللاستة السودة بعد محاولة اغتيالك فى اديس ابابا .. ولا ال70 مليار اللى هربتهم بره ومش عارفين نتحصل عليهم للان ...الحقيقة انت عملت فى الناس دى كتيييييييييييييييييييير بس هما برضه لسه بيحبوك وفكرين لك كل خير كان ليه بقى بيعملوا ثورة مالنا احنا ومال الثورات اهم عملوا ثورة من 3 سنين وشالوك ودلوقتى بيعتذروا لك وكمان يومين هيعملوا ثورة تانى اصل احنا مشت معانا موضوع الثورة دى طلعت حلوة ... بس الفضل فى ده كله لاولادك الحق يتقال عاملين احلى شغل فى كل مكان فى الجمهورية وموزعين نفسهم فى البلد كلها ومسمين نفسهم اسامى كتيرة علشان ماحدش يمسكهم كلهم ايشى اسفين ياريس وايشى حركة تمرد ودى عامله شغل عالى قوى وايشى جبهة انقاذ وطنى ودى فيها الناس الكبيرة اللى متربين على ايدينا ...تصدق كان فى جنازة نقيب شرطة النهاردة والناس كانت على اخرها منهم وفضلوا يدعوا عليهم بشكل!!!!!!!!!! وكانوا هيعملوها مظاهرة هو انت على ايامك ماحدش كان بيموت من الشرطة ولا ايه اصل كل حاجة ما تحصل فى البلد يشيلوها للريس الجديد الغلبان ده ....انا طولت عليك يا كبير اصلك واحشنى ماعدتش باشوفك كتير زى الاول بس الاولاد النهاردة كان ماشاء الله عليهم حلوين كده وفرفشين وخصوصا علاء ....انا عايزاك تبعتلى مع الهانم كام باكو كده لزوم النضارات الجديدة والترينجات وكلك نظر الناس كلها بتستنى تشوفك الكام دقيقة دول ...يالله سلام واشوفك المحاكمة الجاية