محمود عزب: "الست موناليزا" تتفوق على "وننسى اللي كان".. ياسمين حاجة عظيمة ومي قبول استثنائي

أكد الفنان محمود عزب، أن دوره في مسلسل "الست موناليزا" كان تجربة مميزة واستثنائية مقارنة بأعماله الأخرى مثل "وننسى اللي كان"، قائلاً: "الدور اللي حبيته هو في "الست موناليزا"، مختلف، والشخصية دي ما عملتش قبل كده، وشريحة من الناس اللي سايباهم بتوع السينما".
وكشف "عزب"، خلال لقائه مع الإعلامية أميرة بدر، ببرنامج أسرار، على شاشة "النهار"، عن التنافس بين المسلسلين، قائلًا: "كان في منافسة صريحة وواضحة جدًا بينهما على السوشيال ميديا، مع لجان بتخش وبتهاجم بعض، وأنا كممثل كنت مركز في دوري وبجتهد، لكن متابعة الأحداث كانت مهمة لفهم ردود الأفعال والجمهور".
وأشار محمود عزب إلى زملائه في العمل في المسلسلين، أحمد مجدي، وكريم فهمي يجتهدون بشكل كبير لا يتخيله أحد، قائلًا: "ياسمين عبد العزيز شيء عظيم جدًا، ومي عمر حصلت على قبول استثنائي، وده ما حصلش قبل كده، بالنسبة للحروب اللي بتحصل على السوشيال ميديا واللجان، أنا ماليش دعوة، بعمل دوري وبجتهد وبحاول أقدمه بأفضل شكل".
وأشار إلى أهمية الفريق والتعاون، قائلاً: "رقم واحد لوحده مش هيعمل حاجة، لازم معاه ممثلين، مساعدين، كاتب، ومخرج".
اقرأ أيضا | محمود عزب ل أميرة بدر: «زوجتي كانت سندي في أصعب الظروف»