مافيا........الاعلانات

دلوقتى الاعلانات كترت خالص عن كل حاجه واى حاجه ومش دى المشكله لكن الاهم هدف الاعلان وللاسف كثيير من الاعلانات مابيكونش فيها مضمون المهم ان المنتج يتعرف... طب ليه مامن الممكن ان المنتج يتعرف لكن بدون الاستخفاف بعقل المشاهد ...وده للاسف الموجود دلوقتى فى كثيير من الاعلانات على سبيل المثال عصير مثلا ...نحاول اقناع المشاهد انه هيخلى الكل يصدقك لوشربته يعنى بيشجع على الكذب وهنا يفضل لو وضحنا فوايد العصير مثلا ..وقيمته وازاى بيساعد على الهدوء والتركيز والفوايد الغذائيه الموجوده فيه واما بالنسبه للشوكلاته بدل ما نركز على بنت بتاكلها .. نركز ازى بتساعد على زياده الذكاء والتركيز مثلا للطالب وفيه اعلانات تحس انها بعيده كل البعد عن المنتج لدرجه انك تتلخبط ومابتبقاش عارف ايه هو المنتج بالضبط والادهى انه فيه اعلان يعلن عن منتج لكن المفروض انك تحاول تخمن ايه المنتج ده كانها فزوره ونتفاجىء فالاخر انه حاجه بعيده عن الوصف زى الفنكوش ...وده يخلينا نتعلم ونعلم اولادنا اذاى نفحص ونحلل اللى نشوفه مش نستقبل وخلاص..خد قرارك ..اسئل وفكر وبعدين قرر ازاى تختار.