مشهد من رواية (سجن القلوب)

الكاتبة صبرينة غلمي
التفت العائلة حول السفرة مع ضيفهم الذي يعتبر من أهل البيت , بادرت لوجين بحديث فقالت : مشرفنا يا أمير و مبروك علي الترقية .
بادرها أمير بابتسامته الجذابة وقال : تسلمي يا لوجين و الله يبارك فيك . عامله إيه مع الثانوية العامة .
لوجين بامتعاض وغضب دفين : خليها لربنا يا أمير دي أيام زي الفل مش عايزه تخلص .
ضحكت العائلة من تذمرها المتواصل .
فقال نزيم : كلنا مرينا بأيام زي فول و لسه اللى جاى احلى في الكلية .
لوجين تتصنع الفرح : تسلم يا خويا يا حبيبي تصدق إنك رفعت معنوياتي مش عارفه من غيرك كنت عملت إيه ؟؟
انفجر أمير ضاحكا وقال : إنتوا ما بتبطلوش مناقرة أبدا .
أجابة سعاد مسرعة : أبدا والله يا بني .
ساد الصمت لدقائق وكعادتها لوجين قاطعته قائلة : تعرف يا أمير أنا مش متصوراك تشتغل في أمن الدول أبدا الصراحه .
فقال نزيم محذرا : لوجين ؟؟
فأسرعت لوجين قائلة : أنا أسف مش قصدي و الله بس مش متصوره إن أمير يزعق أو يشخط أو يضرب نار .
ضحك أمير وقال : مش للدرجة دي , أنا مبضربش نار كل يوم . مش زي الأفلام يعني .
ابتسمت لوجين و قالت : يعني بيسرحوا بينا بتوع الافلام ؟؟
أمير : بالظبط كدا .
لاحت نظره من نزيم إلى نديم التي لم تتفوه بكلمة على غير عادتها .هي لا تتحدث كثيرا لكن أيضا يكون حضورها ملفت ومبهر بآرائها البناءه . كانت شاردا كما وجدها في غرفتها ولم تأكل شيء من أكلها .
فقال نزيم : مالك يا نديم إنتي تعبانه ؟؟
فلتفتت نديم وقالت : قلت حاجه يا نزيم ؟؟
نزيم : ياه إنتي مش معانا خالص .
أجابته نديم بارتباك : لا أنا معاكم أهو .
فقال نزيم بعدم اقتناع : طيب إنتي كويسه ؟؟
فأومأت نديم برأسها أنها تمام دون صوت .
قام أمير ونزيم للجلوس في الصالون لإكمال سهرتهم فقال أمير لنديم قبل أن يدخل الصالون: نديم .
فأجابت نديم : نعم .
فقال أمير : ممكن كوبايتين شاي زي ما معودانا .
فقالت نديم بسرعة : حاضر .
ثم أردف أمير متسائل : أو جنب الشاي الكيكه إلي بحبه ولا مش عملاه ؟؟
قالت نديم بابتسامة ودود : لا عملاها طبعا .
أمير : تمام متشكر أوي ,تعبتك معيا .
نديم : لا لا تعب ولا حاجه .
*******************************
أثناء قيام نديم ولوجين بجمع السفرة من بقايا الأكل رن هاتف المنزل . فأجابة نديم: ألو .
جاء صوت امرأة كبيرة في سن تجاهد ليخرج صوتها : ألو إِشْكُونْ معايا نديم و لا لوجين؟؟ ( ألو من معي نديم أو لوجين )
نديم : أيوا يا تيتا أنا نديم .
الجدة : وِشْرَاكِي يا نديم أو وِشْ إخوتك أو بَابَاكْ صَفَ ؟؟ ( عملا إيه يا نديم و إخواتك و ابوكي عاملين إيه ؟؟ ) .
نديم : الحمد الله يا تيتا كلنا كويسن . إزيك إنت يا حبيبتي ؟؟
الجدة : الحمد الله مَازِلْنَا عَايْشِينْ يا بنتي .( الحمد الله مازلت عايشه يا بنتي .).
نديم : ربنا يخاليكى لينا يا تيتا .
_______________________
تجميع كل أعمال الكاتبة صبرينة غلمي
#طلاقي
http://www.mediafire.com/…/%D8%B7%D9%84%D8%A7%D9%82%D9%8A+%…
#منمنمات_شرقية
http://www.mediafire.com/…/%D9%85%D9%86%D9%85%D9%86%D9%85%D…
#خواطر_عشقي
http://obeikandl.com/arabic/-26122.html
#خواطر_نبضات_قلب
http://obeikandl.com/arabic/-26123.html
#رواية_سجن_القلوب_إنتظرونا_مع_دار_الكنزي_معرض_القاهرة_2017
قرأ ممتع