حديقه الحيوان

وتبقي التذاكر يا عمي بلاش...وكنتاكي وجبه وبيبسي كمان
شالوها الزرافه وحطوا نظيف..خرب مصر يا بني مدينه وريف
وطيرلي عقلي وجابلي الخفيف...في عهده الذكيه اصابها الجنان
وعز الدخيله مكان القرود..يطبل يزمر ويمضي العقود
يدلس يزور وموجود شهود..وشايل فلوسه في بنك اليونان
حبيبهم يا عدلي يا رمز الفساد..يا قاتل يا سارق وذالل عباد
ودايس بريجلك كرامه بلاد..مكانك ح يبقي في وسط الفيران
وصفوت ح احطه مكان الحمير..يديس يهلس ما تفرق كتير..
وزارته في عهده بقت كونباكير..وأسأل سعاد واعتماد أو إيمان
وزكريا عزمي مكان الكلاب..ما هو اللي واقف ورا كل باب
ح تدفع ح تدخل ..ح ترفض عذاب..وشخشخ أعيدك لبر الامان
مكان ابن آوي نقعد جرانه...ده عكِم في جيبه وخان الامانه
سونستا وهيلز وجراند وروتانا...بخمسه دولار نقي احسن مكان
حسين ابن سالم حبيب اسرائيل...خساره احطه مكانك يا فيل
ده اكبر منافق واقذر عميل...بدال ما ابقي داين..عملني مدان
و عيشه ح احطك في وسط الاسود...تبوس الايادي تقدم وعود
وبالاعداديه بتثبت وجود...وللدكتوراه تقول ما انشي الاوان
وسامح يا فهمي تعلي وقول....ح احطك يا سامح مكان العجول
وبرسيم ح تفطر وتتعشي فوول...وبترول وزارتك منحته لسوزان
وانت يا يوسف يا بطرس يا غالي..وضيعت عرقي وضيعت مالي
دفعت الضرايب ومن قوت عيالي...ح احطك حرامي مكان الحصان
وخرتيت ح اشيله واحطك سرور...غتيت ف المعامله وعندك قصور.
وسيد قراره يمشي الامور...في اهل ام هاشم ذليل أو مهان
وهيمه بن كامل مكان البغال...ما هو اللي جابهم لحد العيال
وثوره مضاده بسلطه ومال...ومهما ح تعمل ح تفضل جبان
وللمغربي يبقي بيت التعالب...يحاور يداور ويملك مخالب
ووزع اراضي هدايا الحبايب...في اهل النزاهه مكان ليك مكان
وانس الفقي يا حرامي الاذاعه...ده رقاص في فرقه رضا يا جماعه
ورمز الصفاقه ورمز الخلاعه..ح احطك مع الجدي يا العبان
في بيت الزواحف ح احطك يا سوزي...وراح المكيف وراح الجاكوزي
وابكي وقولي يا خيبتك يا جوزي...ما تكتب عريضه لسامي عنان
وبومه شالوها وحطوا جمال...ده فقري وباع الحرام والحلال
واخفي وهرب وخزن وشال...عشان يبقي عايش ف امن وامان
علاء ابن حسني مكان الغراب...ده خللي حياتنا كئيبه وخراب
مشاركك في رزقك واكل وشراب...وآدي اخيرها بقيت في اللومات
ح احط اللافاش جنب حسني مبارك...ومين هو فيهم.. غلبني حمارك
خربها وكان القرار مش قرارك...ده كان من عيالك وكان من سوزان
بشعبك يا مصر ويا جيش العبور...علي الثوره حافظوا وهدوا الامور
وابني وعمَر وازرع وثور...ح ترجع لبلدي حلاوه زمان
د.هاني بخاري احمد
استشاري الجراحه