اسفه ايها القسم الصحفى

مرت سنوات على تخرجى من الجامعه ومن كليه الاعلام قسم الصحافه ولن انسى كلام استاذى العظيم رحمه الله الاستاذ محمود سلطان عندما قال لنا ان الصحافه قسم شرف وليس مهنه اكل عيش ولما استعصى علىنا فهم الجمله قال اننا سوف نحلف بقسم هدفه الوحيد ان الكلمه امانه ،القلم امانه تقتل صاحبه
فكيف تكون الكلمه والقلم امانه تقتل صاحبهم
فقال انهم امانه اذا قمت بخيانتهم فقدت كرامه وشرف المهنه وبالتالى قتلت نفسك وقتلت بمن تكتب عنه بدون اى امانه او شرف
كلام كان وقتها ذو قيمه
مرت الايام ورأيت ان القسم اصبح ليس له وجود
وان خيانه القلم والكلمه وبيعهم لمن يدفع اكتر والكتابه على اد الدفع
تدفع كتير تبقى صاحبى وحبيبى
ما تدفعش هاخليك تسليتى وما اسهل فبركه الاخبار
جورنال اصفر وماله المهم اجيب فلوس
خبر كذب مش مهم مدام هابيع وابسط الناس
نزلى هنا خبرين يعملوا احلى دماغ للبيه
وانت يا ست هانم طلباتك اؤمرى عاوزه ايه
ادينى خبر فى الصميم يعلم علامه على المحترمين
طب هتدفعى كام وازاى
خد اللى انت عاوزه مش اشكال
المهم تكون لعبتك وتدمره
وتخلى سيرته على كل لسان وتجرسه
انا على اد ايديكى والاخبار كتير وهتوصى
شويه فلفل وشطه وتوابل
تانى يوم خبر شوفوا الفنان المحترم بقى اب لتؤام
فى الحرام
لا لا غلطت قصدى نتيجه الجواز
طب فين العقد يا هانم ننزله وندمره
اصلى كنت متجوازه شفوى ووثقت فيه
وماله انتى كده عداكى العيب هو اللى خان الثقه
ايوه خد كمان وكمان عاوزه فضيحه بجلاجل
فبرك اى اخبار وانشروها فى اليوم السافل
نزل يا ابنى نزل دى شغلانه زى الفل
مكسب وفلوس واروح بيتنا واكل وشارب وبايع الهوا للكل
هابيع الكلام واكسب
واخلى الناس تصدق
وادى قصه صحافه بقت فى زمنا تجاره للبيع
اسفه ايها القسم الصحفى اصبحت ماضى مش اكتر