شاهد أبرز 10 "كوميكسات" للسخرية من انخفاض الجنيه

البلد يحتاج دولارًا ذا خلفية عسكرية..

سخر رواد مواقع التواصل الاجتماعي، من انخفاض قيمة الجنيه أمام الدولار، خاصة بعد تجاوز سعر الدولار 9 جنيهات مصرية، ودشن الكثير من الصفحات على ال"فيس بوك" "كوميكسات" للسخرية من النظام الذي أوصل الاقتصاد لهذه المرحلة.
وجاءت بعض التعليقات:
- أسماء أحمد: "بيقولك فيه طالب منوفي اخترع جنيه أعلى من الدولار والحكومة اتبنت الفكرة".
- سارة مجدي: "مستنية جملة انخفاض الجنيه أمام الدولار في مصلحة المواطن محدودي الدخل".. لما تتقال عرفوني عشان اتشل رسمي".
- علي حسين: "كده الواحد يروح السوبر ماركت يقول هات باكو لبان من ابو عشرة جنيه".
- محمود رجائي: "الجيش ينزل دولار عسكري لإن البلد محتاجة ف الوقت ده بالذات دولار ذات خلفية عسكرية".
- شريف محمود: "فاكر الدولار لما وصل 6.58 من سنتين بضبط الدنيا خربت وتعمل حفلات عليهم حتى باسم عمل حلقة الدولار يتحرش بالجنيه النهارده الدولار وصل 9 وكلوا عامل عبيط وأحنا بنلبس في الحيط".
- حازم إمام: "الجنيه لو بيتكلم كان زمانه بيغني اه لو لعبت يا زهر، واتبدلت الاحوال وبقيت انا الدولار".
- حسين الشريف: "انا فاكر في يوم أيام مرسي الدولار وصل 6.58.. طلعت لميس الحديدي تردح وقالت ياااامرسي لو مش أد الشيله متشلش".
- إبراهيم صبري: "الدولار لم يقفز.. بالعكس الدولار عالميا هابط.. الجنيه هو اللي ضارب غطس ونسي انبوبة الأكسجين فوق".
- عمر حسن: "ماهو طول عمره قافز وطول عمر الجنيه متهان واحنا معاه من ساعه ابن الجنياني ممسك البلد".
- شيرين محمود: "بيقولك عربيات الخدمة الوطنية واقفة في الميادين بتبيع الدولار ب6 جنيه صابح وبيلعب في الطشت".
- أيمن محمد: "وربنا احنا شعب ظالم الدولار زاد وايه يعني احنا مالنا وماله المهم "الجونيه" بتاعنا بيجيب 20 رغيف من اللي فيه مسامير".
-شادي أشرف: "مش مهم يعلا الدولار مش مهم الناس متاكلش مش مهم... المهم نبقه كده... كده... كلمات مأثوره لل..".
وعلقت صفحة "أساحبي" على ال"فيس بوك":
- الدولار وصل كام يا احمد؟
- 9 جنيه يا فندم، وهنعمل ايه؟
- مش عارف يا فندم.
-همممم الغي الجنيه يا احمد
- ازاي يا فندم؟
- اطبع العملة الرسمية للبلد ورقة تبدأ من 9 جنيه وبكده المشكلة اتحلت
- عبقري يا فندم.
- مش لازم اتدخل واحل كل حاجة بنفسي في البلد يا احمد
- آخر مرة يا فندم.