ندى سلامة: أنا لسه عايشة وحاولت أنتحر 5 مرات

نفت عازفة الناي ندى سلامة، الخبر الذي تداولته وسائل الإعلام ومواقع التواصل الاجتماعي اليوم، بشأن وفاتها منتحرة أول أمس.
وكتبت ندى، في منشور لها عبر صفحتها الرسمية على موقع "فيس بوك": "أنا ندى ولسه عايشة، لو معنى إني باتنفس إني لسه عايشة، يمكن ده هيكون أطول شيء أكتبه، ويمكن يكون آخر شيء أكتبه، أنا حاولت أنتحر أكتر من 5 مرات في 3 أيام، وكل ده علشان باواجه مشاكل زي اللي الناس بتقابلها، بس المشاكل دي كانت أكبر مني، وماكنتش عايزة أورط حد فيها، لأنها كلها مشاكل أنا السبب فيها، أنا اللي عملتها، بس كنت جبانة إني أواجهها".
وأضافت: "إحنا عايشين في عالم وسخ، أنا وسخة كمان زي العالم ده، ساعات بنستحمل وساختنا بس مابنعرفش نستحمل وساخة العالم، الموت شيء عظيم ممكن يخلصك من مشاكلك في دقيقة، ويخلي كل الناس تسامحك على كل وساختك، بس الغريب همّ ليه مهتمين بوجود الجسد كله بيدور حوالين جسدك طول ما جسدك موجود هيكرهوك، وأول ما يختفي هيحبوك، إن كان الاعتذار واجب فباعتذر للناس اللي مش مهتمة لوجودك ولوساختك، بس إنت اللي تهمهم في أي مكان".
وتابعت: "هتعامل مع مشاكلي وأنهيها، وهاخد فرصة جديدة للحياة في عالم وسخ من غير ما أكون وسخة، وفر أي طاقة تفكير هتفكر فيها عني وعن حياتي أو عن موتي أو عن مشاكلي أو عن علاقتك بيّ، وفرها لحياتك في العالم الوسخ، ووفر أي محاولة تواصل معايا حاليا".
واختتمت منشورها بقولها: "أنا شخص غير جيد لأي شيء في الحياة لحد ما أبقى جيدة كفاية لنفسي، اكرهني أو حبني ده مش هيغير شيء في يومك، ويا ريت تقروا تاني جملة وفروا طاقة تفكيركم كلها، وبالمناسبة الفيس بوك ده هو أكبر عالم وسخ".
كانت وسائل إعلام ومواقع إخبارية قد تداولت صباح اليوم، خبرًا يفيد بانتحارها نتيجة مرورها بأزمة، وأنه تم دفنها بمحافظة كفر الشيخ.