مفاجأة.. عازفة الناي «ندى سلامة» تنفي خبر وفاتها

نفت عازفة الناي ندى سلامة ما نشر من أخبار عن وفاتها، وأكدت أنها حاولت الانتحار أكثر من 5 مرات في 3 أيام بسبب مشاكل شخصية.
وقالت في تدوينة لها عبر صفحتها الرسمية بموقع التواصل الاجتماعي فيس بوك: "أنا ندى ولسة عايشة لو معني أني بتنفس إني لسه عايشة، يمكن ده هيكون أطول شيء اكتبه ويمكن يكون آخر شيء أكتبه واهتم للناس فأكتبلهم، أنا حاولت انتحر أكتر من 5 مرات في 3 أيام وكل ده عشان بواجه مشاكل زي اللي الناس بتقابلها بس المشاكل دي كانت أكبر مني ومكنتش عايزة أورط حد فيها لأنها كلها مشاكل أنا السبب فيها أنا اللي عملتها بس كنت جبانه أني أواجهها".
وأضافت: "إحنا عايشين في عالم وسخ، ساعات بنستحمل بس مبنعرفش نستحمل العالم، الموت شيء عظيم ممكن يخلصك من مشاكلك في دقيقة ويخلي كل الناس تسامحك على كل وساختك، بس الغريب هما ليه مهتمين بوجود الجسد كله بيدور حواليين جسدك طول ما جسدك موجود هيكرهوك وأول ما يختفي هيحبوك".
واستطردت: "إن كان الاعتذار واجب فبعتذر للناس اللي مش مهتمة لوجودك ولوساختك بس أنت اللي تهمهم في أي مكان، هتعامل مع مشاكلي وأنهيها وأخد فرصة جديدة للحياة في عالم وسخ من غير ما أكون وسخ، وفر أي طاقة تفكير هتفكر فيها عني وعن حياتي أو عن موتي أو عن مشاكلي أو عن علاقتك بيا وفرها لحياتك في العالم الوسخ، ووفر أي محاولة تواصل معايا حاليا، أنا شخص غير جيد لأي شيء في الحياه لحد ما ابقي جيدة كفاية لنفسي، اكرهني أو حبني ده مش هيغير شيء في يومك".