إستياء بين مواطني كفر الشيخ لطول فترات انقطاع الكهرباء

أثار الانقطاع المتكرر للتيار الكهربي بكفر الشيخ، استياء المواطنين، بسبب طول فترات الانقطاع، والتي وصلت لعشرة مرات بأحد الأحياء، مما وقع بالضرر البالغ على أصحاب المحال نتيجة لوقف لحركة البيع والشراء، بجانب ارتفاع أسعار السلع.
يقول (م. أ)، صاحب محل للسلع الغذائية، معلقاً على انقطاع الكهرباء، "الناس مبقتش تشترى زى الأول حتى مع دخول رمضان، واللى بيجى يشترى ويلاقى النور قاطع بيشوف محل تانى، اشترينا مولدات كهربائية ومش لاقيين بنزين".
ووصل الضرر للأطباء والمرضى، سواء فى المستشفيات أو فى العيادات الخاصة، يقول الدكتور (أ.ص)، طبيب أسنان بكفرالشيخ، وصاحب عيادة أسنان خاصة، عن الضرر الذى تسببه انقطاع الكهرباء بالنسبة له، "أنا مواعيدى فى العيادة 6 ساعات بيتقطع النور فى الفترة الصباحية ساعتين والفترة المسائية ساعتين، ومش بنلاقى وقت نشتغل فيه، والمريض لما بيشوف النور قاطع بيمشى".
فيما أبدى أحد اولياء الأمور انزعاجه لقطع الكهرباء فى أوقات امتحانات الثانوية العامة وقال: "الكهربا لما بتقطع أولادنا بيسيبوا المذاكرة ويقوموا ومع ذلك الحكومة عايزة تغلى أسعار الكهرباء".