نوارة: الأولتراس لم يعتدوا علي.. وأختلفنا على الهتاف ضد المرشد والرئيس

قالت الناشطة السياسية نوارة نجم إنها لم تتعرض لإعتداءات من أفراد الأولتراس أثناء مسيرتهم مساء اليوم ، التي توقفت أمام وزارة الدفاع وهتفت ضد المجلس العسكري السابق بقيادة المشير طنطاوي ، وطالبت بالقصاص .
وأكدت نوارة إن الأولتراس رفضوا الهتافات ضد المرشد ، والرئيس محمد مرسي ، وقالوا إنهم جاءوا إلى وزارة الدفاع للهتاف ضد المجلس العسكري السابق فقط ، مشيرةً إلى أنه تم الإعتداء على الناشطة راجية عمران وبنات أخرى كانت تشارك في المسيرة .
وصرحت نوارة بتفاصيل ما حدث اليوم عبر الحساب الشخصي لها على تويتر قائلة : “ملخص الحوار ان طلع اشاعة ان قضية مجلس الوزرا اتحفظت فالاولتراس كانوا عايزين يعملوا ايفينت عند وزارة الدفاع بس ما ينزلوش لوحدهم ، فطلبوا من بعض النشطاء يعملوا الايفينت، قام نسقوا معاهم بس الشرط ان الكابوهات هم اللي يمسكوا الهتاف ، قابلناهم بعد جنازة عمر عند مسجد الفتح ومشينا، ناس جات تهتف الشعب يريد اسقاط النظام قام اتخانقوا معاهم وحصل تشابك بالايدي ،جات بنت استفزت وراحت شاتمة واحد منهم واضح انه محبوب، فكانوا حيضربوها” .
وتابعت ” المهم يعني قالوا لنا ان تعليمات الكابوهات مافيش هتاف لحد ما نوصل ، طول ما احنا ماشيين.. ييجي حد مننا يهتف ضد المرشد يقوم تحصل خناقة، بعدين الاولتراس ابتدوا يهتفوا وقالوا هتافين فيهم مرسي، اللي هم”مرسي بيه يا مرسي بيه الطنطاوي اتكرم ليه” وهتاف تاني كده اخره “لسه فيكي رئيس كداب” لما وصلنا عند وزارة الدفاع الهتاف ضد العسكر ” .