حبس المتهمة بقتل زوجها وإخفاء جثته أسفل "السرير" بإمبابة ..المتهمة: "جوزي كان شارب حشيش وعايز يعمل معايا حاجة حرام وفجأة قطع النفس"

أمرت نيابة حوادث شمال الجيزة، برئاسة المستشار أحمد الحمزاوى رئيس النيابة، بحبس المتهمة بقتل زوجها وإخفاء جثته أسفل سرير حجرة النوم بمنطقة إمبابة 4 أيام على ذمة التحقيقات، وذلك عقب القبض عليها بمحافظة السويس.
وكانت ألقت مباحث الجيزة برئاسة اللواء مجدي عبد العال مدير الإدارة العامة للمباحث، القبض على المتهمة بقتل زوجها وإخفاء جثته أسفل "السرير"، حيث كشفت التحريات التي أجراها العميد إيهاب شلبي مفتش مباحث شمال الجيزة، قيام المتهمة بالهرب لمحافظة السويس للاختباء هناك، فتحركت قوة برئاسة الرائد هيثم سكر رئيس نقطة المنيرة الغربية وألقت القبض على المتهمة.
واعترفت المتهمة خلال مناقشتها من جانب رجال المباحث بتفاصيل الواقعة وقالت:"أنا مكنش فى بالى أقتله، كل اللى حصل إن يوم الخميس بيحصل لقاء حميمى بينى وبين زوجى كالعادة، هو كان شارب (حشيش) ودماغه تقيلة، فوجئت به بيطلب منى أمارس معاه حاجة حرام، قولتله مش هينفع كدا، أنا مبحبش الكلام دا، لكن هو أصر على فعله، مرة واحدة وأنا بقاومه وقعت أنا وهو على الأرض، ولاقيته مسك صدره وبيقولى أنا تعبان، مكنش قادر ياخد نفسه، وفجأة لقيته قطع الكلام وعينه قفلت، ساعتها مكنتش عارفه أعمل إيه ولا أتصرف إزاى".
واضافت: "كلمت واحد كنت عارفاه على جوزى من فترة، وقولتله إلحقنى أنا فى مصيبة ومش عارفة اتصرف، ولما وصل اتفقنا على الهروب عشان كنت خايفة يتهمونى بقتل جوزى، وقبل ما نهرب حملنا الجثة ولفناها بملاية، وخبناها تحت السرير".
وتابعت: "قبل ما أهرب بعت رسالة لابن عم جوزى قولتله فيها اللى حصل، وعرفته مكان الجثة، ورحت وعشيقى للسويس، لحد ما لاقينا ضباط المباحث بيقبضوا علينا".
وأضافت المتهمة فى اعترفاتها: "أنا مكنش قصدى أقتله، لما دفعته وقع على الأرض وأنا وقعت فوقه، بس هو مقدرش يتنفس ومات، أنا خايفه على ولادى هيضيعوا من بعدى، ونفسى أشوفهم عشان يسامحونى".