سبايدر: باسم يوسف يقدم إشارات ماسونية

أكد الناشط السياسي أحمد سبايدر الذي وصف نفسه ب"فاضح الخونة و العملاء و الجواسيس و الماسونين"، أن الإعلامي الدكتور باسم يوسف قد صدرت منه أشارات "ماسونية" تحمل معاني سرية أثناء تقديمه الحلقة الأولي من الموسم الثالث لبرنامجه الساخر "البرنامج".
يذكر أن سبايدر قد أتهم من قبل الشخصية الكارتونية "أبلة فاهيتا" بتقديم أشارات مستترة تحرض على العنف و الإرهاب، أثناء ظهورها في إعلان لأحدي شركات خدمات التليفون المحمول و الاتصالات.
وأوضح سبايدر أن هناك مخطط لتشويه صورة المشير عبد الفتاح السيسي وزير الدفاع و اغتياله، مشيرا إلي إخفاء صورة المشير السيسي و تظليلها باللون الأسود ب"البرنامج"، وأضاف : " الإنسان اللي بتظهر صورته كده بتتعمل بعد ما يتوفى بعد ما يتلغى وجوده".
كما أوضح شفرة أخري ترمز إلي وجود "العين الماسونية" بالبرنامج، وقال من خلال تدوينه له على صفحته بموقع التواصل الاجتماعي "فيس بوك": " الشفرة الثانية وهى الحركة اللي عملها خالد منصور المشهور بجماهير وده رمز العين رمز الماسونية وجيبتلكم مثال للمغنية الماسونية الشهيرة ليدى جاجا وهى بتعمل نفس الحركة والهدف منها أنهم بيبعتوا رسالة لعملائهم الماسونيين انهم مسيطرين على الوضع وكل حاجة تحت أيديهم زى ما عمل وائل غنيم قبل كده مع منى الشاذلى لما قالها أبويا بعين واحده يا منى".
وأعلن سبايدر أن من يقدم صوت "أبلة فاهيتا" هو خالد منصور أحد ممثلين "البرنامج"، و قال: "الشفرة الثالثة هي أنى أتأكدت مليون في المائة النهاردة إن فاهيتا اللي بيعمل صوتها هو خالد منصور، وكلكم أخذتم بالكم لما الصوت ظهر النهاردة في الحلقة".
و قال: "ملخص حلقة النهاردة إن باسم يوسف عاوز يثبت بأي طريقة ويقنع الناس إن المشير السيسي هو اللي وقف له البرنامج قبل كده مع تشويه الشعب الغلبان اللي بيحب المشير السيسي بإظهارهم أنهم جهلة وما بيعرفوش يتكلموا ...عرفتوا بقى إن باسم بيكمل مشوار فاهيتا في إرسال الشفرات".