«سبايدر»: باسم يوسف يُكمل شفرات «فاهيتا».. و«جماهير» تقلد «ليدي جاجا»

زعم أحمد سبايدر، الذي يعرف نفسه ب«فاضح الخونة والعملاء والجواسيس والماسونيين»، أنه توصل لشفرات تضمنها برنامج «البرنامج» للإعلامي باسم يوسف، في حلقته مساء الجمعة.
وقال «سبايدر»، في صفحته على «فيس بوك»، السبت، إن «باسم يوسف عاوز يثبت بأي طريقة ويقنع الناس إن المشير السيسي (وزير الدفاع) هو اللي وقف له البرنامج قبل كده مع تشويه الشعب الغلبان اللي بيحب المشير السيسي بإظهارهم إنهم جهلة ومابيعرفوش يتكلموا»، معتبرًا أن «باسم بيكمل مشوار فاهيتا (دمية أبلة فاهيتا) في إرسال الشفرات».
وذكر أن «تشفير باسم يوسف لصورة المشير السيسي يأكد الشفرة اللي أنا فكيتها قبل كدة لفاهيتا ونزلتهالكم اللي كانت بتدي أمر لجواسيسهم في الإعلام بتشويه المشير السيسي، وفي نفس شفرة فاهيتا كان في شفرة برده لاغتيال المشير السيسي، لما قالت إنها مرعوبة بودى يكبر برده في نفس الصورة، دي شفرة لاغتيال المشير السيسى، لأن الانسان اللى بتظهر صورته كده بتتعمل بعد ما يتوفى بعد ما يتلغى وجوده».
وتابع: «الشفرة التانية وهي الحركة اللي عملها خالد منصور المشهور بشخصية جماهير (خلال حلقة البرنامج الأخيرة)، وده رمز العين رمز الماسونية»، وزعم أن المطربة الأمريكية ليدي جاجا، التي قال إنها «مغنية ماسونية» قامت بعمل نفس الحركة، موضحًا أن «الهدف منها أنهم يبعتوا رسالة لعملائهم الماسونيين إنهم مسيطرين عالوضع وكل حاجة تحت أيديهمزي ماعمل وائل غنيم قبل كده مع منى الشاذلي لما قالها أبويا بعين واحدة يا منى».
وأشار أحمد سبايدر إلى أن الشفرة الثالثة التي تضمنها برنامج «البرنامج» في حلقته الأخيرة، تتمثل في أنه تأكد «مليون فى المية النهارده إن فاهيتا اللي بيعمل صوتها هو خالد منصور (جماهير) وكلكم أخدتم بالكم لماالصوت ظهر النهارده في الحلقة دي».
ولفت إلى أن ذلك توصل إليه «شفرات مبدئية» لاحظها في أول مرة له من مشاهدتها، متابعًا «هتفرج عليها تاني وأكيد هلاقي فيها حاجات تانية».
واختتم تدوينته قائلا «عاوز شير في كل مكان للشفرات عشان أنزلكم الباقي.. مع تحياتي أحمد سبايدر، فاضح الخونة والعملاء والجواسيس والماسونيين».