سبايدر يتهم باسم يوسف بإرسال شفرات لاغتيال "السيسي"

عبر "البرنامج"

انتقد أحمد سبايدر، أدمن صفحة "أنا آسف يا ريس"، الإعلامي باسم يوسف مقدم برنامج «البرنامج»، متهمه بإرسال شفرات من خلال برنامجه، على قناة «إم بي سي مصر»، من أجل اغتيال المشير عبد الفتاح السيسي.
وقال سبايدر في تدوينه له بموقع التواصل الاجتماعي "فيس بوك": "تشفير باسم يوسف لصورة المشير السيسى زى مانتوا شايفين فى الصورة بياكد الشفرة اللى انا فكيتها قبل كده لفاهيتا ونزلتهالكم اللى كانت بتدى امر لجواسيسهم فى الإعلام بتشويه المشير السيسى وفى نفس شفرة فاهيتا كان فى شفرة برده لاغتيال المشير السيسى لما قالت إنها مرعوبة بودى يكبر برده فى نفس الصورة دى شفرة لاغتيال المشير السيسى لان الإنسان اللى بتظهر صورته كده بتتعمل بعد ما يتوفى بعد ما يتلغى وجوده".
وأضاف أن الشفرة الثانية "هى الحركة اللى عملها خالد منصور المشهور بجماهير وده رمز العين رمز الماسونية وجيبتلكم مثال للمغنية الماسونية الشهيرة ليدى جاجا وهى بتعمل نفس الحركة والهدف منها أنهم بيبعتوا رسالة لعملائهم الماسونيين انهم مسيطرون على الوضع وكل حاجة تحت أيديهم زى ما عمل وائل غنيم قبل كده مع منى الشاذلى لما قالها ابوية"
أما الشفرة التالتة "هى انى اتاكدت مليون فى المية النهارده ان فاهيتا اللى بيعمل صوتها هو خالد منصور جماهير وكلكم اخدتم بالكم لما الصوت ظهر النهاردة فى الحلقة دى الشفرات المبدئية اللى طلعتها من الحلقة من اول مرة شوفتها عالتى فى هتفرج عليها تانى وأكيد هلاقى فيها حاجات تانية ملخص حلقة النهاردة إن باسم يوسف عاوز يثبت باى طريقة ويقنع الناس إن المشير السيسى هو اللى وقف له البرنامج قبل كده مع تشويه الشعب الغلبان اللى بيحب المشير السيسى باظهارهم إنهم جهلة وما بيعرفوش يتكلموا عرفتوا بقى إن باسم بيكمل مشوار فاهيتا فى إرسال الشفرات".