رثاء الشهداء

ياشعب مصر ليه تقول الآه خلى تكالك على الله
دي الآهه طالعة من القلب وكل آهه دمعة على الخد
أخدوك يابني أيادى الغدر بس ربك ما يسيب حد
كل قلوبنا ياناس موجوعة واللى وراها ناس مخلوعة
بدل الآه قول الله ربك يمهل ولا يستمهل
شبابنا راحوا بإيد غدارة وياريتهم ماسكين لإدارة
كل ذنوبهم حب قلوبهم لبلدهم وبكل جدارة
ده إبليس اللعين بيخاف من ربه رب العالمين
واتبرأ لما بعينه شاف قتل الإنسان لأخوه الإنسان
مش ممكن إنت تكون بشر لأ ده إنت صنم من حجر
طب ده حتى الحجر بيلين ويخشع لرب العالمين
طب يالا قولى إنت مين إنت لا ليك ملة ولا دين
وحسبا الله ليوم الدين حسبنا الله ليوم الدين