المطبخ موضة شباب الثورة بالعام الجديد " زجاج و كانزات ومصافي وبشارات "

تحت شعار إحنا ما بنتهددش يا فنجري جاءت أصوات التحدي تعبر عما ما يفكر فيه ويشعر به شبابنا الآن الذي لولا الأكل المسرطن و الميه الملوثة و السحابه السوده ... مكنوش قدروا يستحملوا ...الغاز لمدة 96 ساعة.
و لولا الوقوف في طوابير العيش و طوابير التموين و طوابير التذاكر و .. الخ ... مكنوش قدروا يقفوا علي رجليهم كل ده في الميدان.
-لولا عدم وجود معامل في المدارس محترمه ... أستطاعوا يقوموا بتجارب في المطبخ و في الأخر يطلعوا بميكسات ضد الغاز و خميرة بتركيز 5% و خل بنسبة كذا و بصل و .. الخ
و لولا فقر الشعب و إنه مش لاقي ياكل ... مكانوش قدروا يواصلوا كل ده من غير أكل.
لولا ان اكتر من 30% بطالة و مكملش تعليمة و مش لاقيين حاجه يعملوها ... مكنتش هتلاقيهم 24 ساعة واقفين رجاله في الميدان.
لولا اننا اتعودنا ندور علي كل حاجه بنفسنا ... مكانوش عرفوا مكان الأقنعة و مكانوش عرفوا مكان الكمامات و ازايز الرش البلاستك.
لولا طلاب كليات الطب بيضيعوا 10 سنين من عمرهم عشان يتخرجوا من الكلية ... مكانوش قدروا يعالجوا 80 حالة في اليوم الواحد زي دلوقتي.
ولا ال3 سنين تجنيد إجباري و جري من الشرطه العسكرية ... مكانوش عرفوا يتصرفوا قدام جهاز الشرطة و الأمن المركزي.