" ازاي المخرج اختارها ؟"..الجمهور ينتقد داليا شوقي بسبب "سفاح الجيزة"

انتقد العديد من رواد مواقع التواصل الاجتماعي أداء الفنانة الشابة داليا شوقي في أحداث مسلسل "سفاح الجيزة" والذي يعرض حاليًا على منصة "شاهد" ويحقق نسب مشاهدة مرتفعة.
وقام عدد كبير من جمهور المسلسل بانتقاد أداء "داليا" بشكل متزايد بعد عرض أحداث الحلقة الخامسة والسادسة من المسلسل صباح اليوم الجمعة.
ووشارك جمهور المسلسل برأيه عبر الحسابات الرسمية على مواقع التواصل الاجتماعي منها موقع "X" وجاءت: "ياريت نكتفي بهذا القدر ويكون المشهد الكوميدي اللي عملتيه في سفاح الجيزة هو آخر أعمالك وتعتزلي وانتي في مجدك"، "ازاي داليا شوقي عديمة الموهبة والحضور والتمثيل تاخد الدور ده وجيهان الشماشرجي بكل موهبتها تاخد دور صغير كده، ازاي كل ده عدى على هادي الباجوري".
وطالت الانتقادات مخرج المسلسل "هادي الباجوري" : "هو بجد هادي الباجوري اللي هو مخرج كبير بس ازاي ساب مشاهد داليا شوقي تطلع بالتمثيل والأداء البشع ده، ازاي بجد، وازاي سكنها في الدور المهم ده واللي مطلوب فيه انفعالات معينة وأداء تمثيلي كويس من الأول"، كما وجه أحدهم رسالة له قائلًا: "مسلسل سفاح الجيزة في عيب خطير يوقعه من أساسه واللي معظم الناس شايفاه وازاي عدى على مخرج كبير زي حضرتك اللي هو الكاستينج، من أول اختيار بطل بامكانيات محدودة جدًا زي أحمد فهمي مرورًا بداليا شوقي لناس مش جاية تمثل أساسًا".
ويواصل مسلسل "سفاح الجيزة" تصدر محرك البحث جوجل إلى جانب عدد من مواقع التواصل الاجتماعي، ولاقت أولى حلقات المسلسل إعجاب واستحسان العديد من رواد مواقع التواصل الاجتماعي إلى جانب إشادة عدد من الإعلاميين والشخصيات العامة بأحداث المسلسل و الفنان أحمد فهمي في تجسيد شخصية "السفاح" وبراعته في تقمصها.
مسلسل" سفاح الجيزة" مستوحى من قصة حقيقية تدور أحداثه في 8 حلقات عن جرائم سفاح الجيزة اللي اتحكم عليه بالإعدام وعمل ضجه في سنة 2021، ويشارك ببطولته عدد من نجوم الدراما المصرية والعربية وهم أحمد فهمي، ركين سعد، باسم سمرة، صلاح عبدالله، ميمي جمال، حنان يوسف، وإخراج هادي الباجوري.