شذوذ جنسي وجثة مقطوعة الرأس.. سفاح الإسماعيلية يدعي: "كان هيفضحني"

كشفت تحقيقات النيابة العامة في الإسماعيلية، تفاصيل الجريمة البشعة التي شهدتها مدينة الإسماعيلية، والتي أقدم خلالها شاب على فصل رأس صاحب محل إصلاح أجهزة كهربائية في الإسماعيلية.
وقال المتهم أمام النيابة: "اللي حصل أنى كنت ماشي في شارع البحيرى، ولقيت أحمد معدي بالتروسيكل بتاعه، وداخل بيه على شارع طنطا، وبعدين هو شافني، فوقف بالتروسيكل بتاعه أمام المطعم اللى على أول الشارع، فأنا روحتله عشان أسأله على مكوة شعر كنت مديهاله، عشان يصلحها".
واستكمل المتهم: "بعد كده طلب مني أروحله المحل، واستلمها هناك، بشرط أني أمارس معاه الجنس، زى ما كنا بنعمل قبل كده، فأنا قلت له هاشوف الدنيا وأكلمك، وقالي بعدها: "لو مجتليش وعملت كده معايا هافضحك، فالدم غلى في عروقي، ورحت مطلع سكينة من جانبي الشمال، ومسكتها بإيدي اليمين، ووقفت وراه ودبحته من رقبته".
وخلال التحقيقات قال المتهم إنه يعمل سماك في سوق بورسعيد بالإسماعيلية، وكذا يعمل ببيع الأجهزة الكهربائية، وتربطه علاقة بالمجني عليه منذ 15 عامًا، وأكد أنه تعرف على المتهم خلال عمله فراش في مدرسة، إذ كان وقتها في الصف الخامس الابتدائي، ومارسا اللواط سويًا منذ 6 أعوام، وترك بعدها المدرسة وتوجه للعمل في السمك، وكان يذهب من وقت لآخر إلى ورشة إصلاح الأجهزة الكهربائية التي يعمل بها المجني عليه.
وأضاف المتهم" أنا كنت بعمل كده معاه حوالي 6 مرات في السنة، وساعات كنت بروحله في الأعياد، بيكون فاتح ورشته وبنعمل كده، وساعات كنت بروحله بالليل في الأيام العادية، بعد الساعة 8 مساءً".