خاص || الكينانى : ختامها مسك .. ومجاهد يرد : مفيش الكلام ده

بعد فوز المنصوره على نبروه بثلاثه أهداف مقابل هدف أعلن ياسر الكنانى المدير الفنى للفريق استقالته وهو فى أرض الملعب وقال حرفيا :" الحمد لله أقدر امشى وختامها مسك " وأعلن ذلك ايضا فى غرفه خلع الملابس للاعبييه وايضا لجمهور وفى عيونه الدموع وعبر اللاعبيين عن حزنهم واعلنوا انهم لن يحضروا التدريبات بدونه
وفى اتصال من منصوره نيوز لكنانى قال :" انا مش قادر أكمل وتعبت خلاص وخاصه انى مش لاقى مسانده من الاداره غير من اتنين وهما اللواء ابراهيم مجاهد رئيس النادى والاستاذ عماد رمضان عضو مجلس الاداره .. فأنا بعفى الحاج ابراهيم من الحرج وبنسحب من الجهاز الفنى .. وصدقنى هكون أول واحد بساعد وبساند المدير الفنى الجديد .. وأحب أشكر اللعيبه الرجاله اللى كانوا قد المسئوليه وعدينا المرحله الصعبه اللى فاتت دى بعد ماتش شربين .. وكنت بتمنى من ربنا انى اكسب ماتش نبروه عشان يكون ختامها مسك فى قيادتى للفريق "
وفى رد سريع من رئيس النادى اللواء ابراهيم مجاهد الذى عبر عن رفضه للاستقاله قائلا :" مفيش الكلام ده وهو مستمر معانا وكل المجلس والجمهور وراه بايده وزى ما قولت قبل كده انا مش بتعامل بالحته انا حسابى فى أخر الموسم وأؤكد لك ان الكنانى مستمر معانا "