خاص || ابراهيم مجاهد : مش بتعامل بالحته ... وسيبك من اللى يقولك كده

مع كثره الاشاعات والاقوال بالإقاله تاره والاستقاله تاره أخرى للجهاز الفنى للفريق الأول بنادى المنصوره بقياده ياسر الكنانى المدير الفنى كان لابد من التأكد من هذه الاشاعات عن طريق رئيس النادى اللواء ابراهيم مجاهد لكى يقطع الشك باليقين
إتصلت منصوره نيوز باللواء ابراهيم مجاهد وسألته عن مدى استمرار الجهاز الفنى من عدمه فجاء رده كالاتى :" مين اللى قالك ان الجهاز الفنى مشى .. اللى يقولك كده سيبك منه دى ناس مبتفهمش كوره .. هو عشان احنا مش موفقين فى اول ماتشين والحظ مكنش معانا يبقى خلاص هنعلق للراجل المشنقه "
وأكمل مجاهد :" انا اصلا مش بتعامل بالحته ولا بالماتش انا الحساب عندى أخر الموسم .. وبعدين تعالى هنا انت هتلاقى مدرب زيه اصلا .. فيه مدرب بيعمل اللى بيعمله ده من تنوع للتدريبات والحب المتبادل بينه وبين لعيبته وزى ما احنا شايفين الراجل بيتعب فى شغله انما التوفيق فى نتيجه الماتش دى بتاعت ربنا فعشان كده الكينانى مستمر معانا "